सातारा : वन विभागाच्‍या हद्दीत जनावरे चारण्‍यास मनाई केल्‍याच्‍या रागातून शिवथर (ता. सातारा) येथे वनमजुरास मारहाण केल्‍याप्रकरणी सातारा तालुका पोलिस ठाण्‍यात बाळकृष्‍ण वामन साबळे (रा. शिवथर) याच्‍यावर गुन्‍हा नोंदविण्‍यात आला आहे. शिवथर (ता. सातारा) येथे तुषार रामचंद्र चव्हाण (वय २७) हा युवक राहण्‍यास असून, तो वन विभागात हंगामी वनमजूर म्‍हणून कामास आहे.
शिवथर येथील रेल्‍वे गेटच्‍या वरील भागास वनविभागाचे क्षेत्र असून, याठिकाणी वृक्षारोपण करण्यात आले आहे. या परिसरात लावलेल्‍या झाडांची देखरेख करण्‍यासाठी ता. ९ रोजी गेले होते. या वेळी त्‍यांना काही जनावरे त्‍या परिसरात चरत असल्‍याची दिसली. ती जनावरे वनविभागाच्‍या हद्दीतून बाहेर नेण्‍यास चव्हाण याने बाळकृष्‍ण साबळे यांना सांगितले. याचा राग आल्‍याने साबळेने चव्हाण यास शिवीगाळ करत दमदाटी सुरू केली.
यानंतरही चव्‍हाणने साबळेला जनावरे बाहेर नेण्‍यास सांगितले. यामुळे चिडलेल्‍या साबळेने चव्‍हाणला लाकडी दांडक्‍याने मारहाण केली. मारहाण करतानाच साबळेने चव्हाण यांना जीवे मारण्‍याची धमकी दिली. याची तक्रार काल चव्हाण यांनी सातारा तालुका पोलिस ठाण्‍यात नोंदवली असून, साबळेविरोधात मारहाणीचा गुन्‍हा नोंदविण्‍यात आला आहे. याचा तपास हवालदार जाधव हे करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.