विसापूर (जि. सातारा) : महावितरणने शेती वीजबिल भरण्याचा तगादा लावल्याने अनेक शेतकऱ्यांवर संकट ओढावले आहे. त्यामुळे शासनाने शेती वीजबिल माफ करावे, नाही तर भविष्यात शेतकरी व सर्व पक्षीयांच्या माध्यमातून मोठे आंदोलन उभारण्याचा इशारा शेतकऱ्यांच्या वतीने महावितरणला देण्यात आला. 

याबाबतचे निवेदन पुसेगाव महावितरणचे कनिष्ठ अभियंता धनंजय मेनकुदळे यांना देण्यात आले. सद्या विविध कारणांमुळे शेतकरी आर्थिक संकटात सापडला असताना महावितरणने शेती वीजबिल वसुली सुरू केली आहे. त्यामुळे शेतकऱ्यांचे कंबरडेच मोडले आहे. 

कांद्याने केला वांदा! भाव गडगडल्याने उत्तर खटावात शेतकरी अडचणीत; बाजारभावात मोठी घसरण

सरकारने याचा विचार करून शेती वीजबिले माफ करावी, अन्यथा पुसेगाव पंचक्रोशीतील शेतकरी आणि सर्व राजकीय पक्ष यांच्याकडून आंदोलन उभारण्यात येईल, असा इशारा निवेदनात देण्यात आला. निवेदन देताना सेवागिरी देवस्थानचे माजी अध्यक्ष सुनीलशेठ जाधव, माजी उपसरपंच रणधीर जाधव, प्रकाश जाधव, भरत मुळे, हरी सावंत, अर्जुन मोहिते, शंतनू वाघ, सुसेन जाधव, रोहन देशमुख व शेतकरी उपस्थित होते. 

या महत्वाच्या प्रश्नांवर गृहराज्यमंत्र्यांनी मी काहीही बोलू शकत नाही अशी का प्रतिक्रिया दिली?

मराठवाडी धरणक्षेत्रातील मालदनमध्ये बंधाऱ्याला गळती; ढेबेवाडीत शेतकरी वर्ग चिंतेत

संपादन : बाळकृष्ण मधाळे