मोरगिरी (जि. सातारा) : मोरणा विभागातील धावडे शुद्रुकवाडी येथील रस्त्यावरील साकव पुलाचे काम दोन वर्षांपासून रेंगाळले आहे. कोट्यवधी रुपयांचा निधी कामासाठी मंजूर करण्यात आला असून, निकृष्ट कामामुळे तो निधी पाण्यात गेला आहे. बांधकाम विभागाचे दुर्लक्ष आणि ठेकेदारांचा मनमानी कारभारामुळे विकासकामांचा दर्जा खालावला जात आहे. त्यात गृह राज्यमंत्री शंभूराज देसाई यांनी लक्ष घालून ते काम पूर्ण करावे, अशी मागणी परिसरातील ग्रामस्थांनी केली आहे.
 
मोरणा विभागातील धावडे परिसरातील रस्त्यावर साकव पूल नसल्याने ग्रामस्थांची गैरसोय होत होती. ग्रामस्थांच्या अनेक वर्षांच्या मागणीनुसार गृह राज्यमंत्री शंभूराज देसाई यांनी या पुलासाठी भरघोस असा निधी मंजूर केला. ठेकेदारामार्फत या साकव पुलाच्या कामास सुरुवात झाली. मात्र, त्यानंतर कोरोनाच्या काळात हे काम थांबले. त्या काळापासून हे काम अपूर्ण आहे. ग्रामस्थांनी वारंवार सांगूनही ते काम सुरू करण्यात आले नाही.

पुण्याहून साता-याला निघालात, थांबा! खंबाटकी घाटात झालाय माेठा अपघात

ठेकेदाराने केलेले काम निकृष्ट दर्जाचे झाले आहे. दोन वर्षांपासून हे काम रेंगाळले आहे. हे काम अपूर्ण असल्याने ग्रामस्थांच्या अडचणीत भर पडली आहे. शेतकरी वर्गास शेतात जाताना किंवा वाहतूक करताना त्यांची गैरसोय होत आहे. बांधकाम विभागाचे दुर्लक्ष आणि ठेकेदारांचा मनमानी कारभारामुळे या विकासकामांचा दर्जा खालावला जात आहे. मुख्यमंत्री ग्रामसडक योजनेतून रस्त्याच्या कामास निधी मंजूर झाला आहे; पण त्या निधीचा विनियोग चांगल्या पद्धतीने होताना दिसत नाही. त्यामुळे गृह राज्यमंत्री शंभूराज देसाई यांनी लक्ष घालून काम सुरळीत सुरू करावे, अशी मागणी परिसरातील ग्रामस्थांमधून केली जात आहे. 

प्रवास होणार सुखकर! तब्बल सहा महिन्यांपासून बंद असलेली एसटीसेवा सुरू; सुपने-किरपेत पहिलाच प्रयोग

प्रेमीयुगुलांनो! तुम्हाला लुटणारी टोळी पोलिसांनी केली गजाआड; सोलापूर, बारामतीतील सहा जणांना अटक

संपादन : बाळकृष्ण मधाळे