दहिवडी (जि. सातारा) : माण तालुक्‍यातील 61 ग्रामपंचायतींच्या सरपंच व उपसरपंचपदांच्या निवडीसाठी 9 व 10 फेब्रुवारी रोजी विशेष सभा बोलाविल्या आहेत. 9 फेब्रुवारीला 33, तर 10 फेब्रुवारीला 28 ग्रामपंचायतींच्या सरपंचपदाच्या निवडी होणार आहेत. तहसीलदार बाई माने यांच्या आदेशानुसार या निवडीचा कार्यक्रम होणार आहे. 

माणमधील 14 बिनविरोध ग्रामपंचायतींच्या निवडणुकीनंतर उर्वरित 47 ग्रामपंचायतींच्या निवडणुका अतिशय चुरशीने पार पडल्या. निकालानंतर सत्तेबद्दल दावे-प्रतिदावे करण्यात आले. सरपंच पदाच्या आरक्षण सोडतीनंतर काही ठिकाणी "गड आला; पण सिंह गेला' अशी बहुमत मिळविलेल्या पॅनेलची अवस्था झाली. काही ठिकाणी सरपंचपद मिळविण्यासाठी घडलंय बिघडलंयची चर्चा सुरू आहे. आज सरपंच निवडीसाठीच्या विशेष सभांच्या तारखा तहसीलदार माने यांनी जाहीर केल्या. 

शरद पवारांच्या आदेशानेच सातारा-जावळीत हस्तक्षेप; शशिकांत शिंदेंचे शिवेंद्रसिंहराजेंना चोख प्रत्युत्तर

त्यानुसार 9 फेब्रुवारी रोजी पर्यंती, शिंगणापूर, मार्डी, बोडके, वडगाव, इंजबाव, वाकी, श्रीपालवण, शिंदी खुर्द, शेवरी, बोथे, थदाळे, पळसावडे, गोंदवले बुद्रुक, वडजल, सुरुपखानवाडी, गटेवाडी, राजवडी, हवालदारवाडी, हिंगणी, खडकी, काळचौंडी, टाकेवाडी, तोंडले, गंगोती, पिंगळी खुर्द, रांजणी, गोंदवले खुर्द, कुकुडवाड, किरकसाल, सोकासन, पुकळेवाडी व मोही या ग्रामपंचायतींच्या सरपंच व उपसरपंच पदाच्या निवडी होणार आहेत. 10 फेब्रुवारी रोजी जांभूळणी, संभूखेड, शिंदी बुद्रुक, येळेवाडी, भालवडी, पिंपरी, वारुगड, कुळकजाई, जाशी, शिरवली, डंगिरेवाडी, देवापूर, धामणी, दिवडी, ढाकणी, हस्तनपूर, कारखेल, भाटकी, शेनवडी, भांडवली, मोगराळे, पानवण, पिंगळी बुद्रुक, वर म्हसवड, लोधवडे, वाघमोडेवाडी, राणंद व वळई या ग्रामपंचायतींच्या सरपंच व उपसरपंचपदाच्या निवडी होणार आहेत. 

मी उदयनराजेंना पाडलेला माणूस, तुम्हालाही संपवल्याशिवाय राहणार नाही

संपादन : बाळकृष्ण मधाळे