सातारा : उसाच्या शेतात पाणी सोडण्यासाठी दोन हजार रुपयांची लाच घेतल्याचे निष्पन्न झाल्याने पाटबंधारे विभागातील पाटकरी रमेश आप्पासो पवार यास तीन वर्षे सक्तमजुरी व दोन हजार रुपयांच्या दंडाची शिक्षा विशेष न्यायाधीश एन.एल.मोरे यांनी आज (बुधवार) सुनावली आहे. संबंधित आरोपीने दंड न दिलेस तीन महिने सक्तमजुरी तसेच कलम 13 (1) (ड) सह 13 (2) अन्वये चार वर्ष सक्तमजुरी व दोन हजार रुपये दंड, दंड न दिलेस तीन महिने सक्तमजुरी अशी शिक्षा सुनावली आहे. 

सन 20 मे 2015 मध्ये तक्रारदार यांनी दिलेल्या तक्रारीनुसार तक्रारदार यांचे मुंजवडी गट 92-1 येथील ऊस शेतीस पाणी देण्यासाठी रमेश आप्पासो पवार (पाटकरी) पाटबंधारे नीरा उजवा कालवा फलटण यांनी दोन हजार रुपयांची लाच मागणी करुन ती लाच रक्कम त्याच दिवशी 20 मे 2015 रोजी स्वतः स्विकारल्यानंतर त्यास रंगेहात पकडण्यात आले होते. त्या अनुषंगाने पवार याच्या विरुद्ध फलटण ग्रामीण पोलिस स्टेशन येथे गुन्हा रजिस्टर क्रमांक 52- 2015 भ्रष्टाचार प्रतिबंध अधिनियम 1988 चे कलम 13 (1) 9 (ड) सह 13 (2) अन्वये गुन्हा दाखल करण्यात आला होता. या गुन्ह्याचा तपास तत्कालीन पोलिस निरीक्षक वैशाली पाटील यांनी दोषरोपपत्र विशेष न्यायालयात 29 डिसेंबर 2015 रोजी दाखल केले होते. त्याचा विशेष खटला क्रमांक 19-2015 असा होता. आज (बुधवार, ता. 10 जून) शिक्षा विशेष न्यायाधीश एन.एल.मोरे यांनी या खटल्यामध्ये रमेश पवार यास शिक्षा सुनावली आहे. या खटल्यात सहायक सरकारी वकील मंजूषा तळवळकर यांनी सरकारतर्फे कामकाज पाहिले. तसेच लाचलुचपत प्रतिबंधक विभागाचे पोलिस अधीक्षक राजेश बनसोडे, अतिरिक्‍त पोलीस अधीक्षक सुषमा चव्हाण यांनी मार्गदर्शन केले. या गुन्ह्याचे न्यायालयीन कामकाजात पोलीस उपअधीक्षक अशोक शिर्के, पोलीस हवालदार विजय काटवटे यांनी मदत केली.

नागरिकांनी लाच मागणी संबंधाने तक्रारी असल्यास पोलिस उपाधीक्षक लाचलुचपत प्रतिबंधक विभाग सिटी सर्व्हे क्रमांक 524 - अ, जिल्हा कोषागार कार्यालयाचे पाठीमागे, सदरबझार येथे संपर्क साधावा असे आवाहन करण्यात आले आहे.

नवी आव्हाने पेलण्यास अभियांत्रिकी महाविद्यालय सज्ज : संजीवराजे निंबाळकर
 
असा करा कोरोना विषाणूचा मुकाबला 

गडकर आळी, जैतापूरातील घरफोड्या उघडकीस; साताऱ्यातील व्यापारी अटकेत 

लोकाभिमुख कारभार करा; नगरविकास आघाडीच्या सत्ताधाऱ्यांना कानपिचक्या