मायणी : इन्स्पायर ॲवॉर्ड मानकासाठी जिल्ह्यातील ६३० प्राथमिक व माध्यमिक शाळातील दोन हजार १७० विद्यार्थ्यांनी नामांकन करून नानाविध उपकरणे सादर केली. तज्ज्ञ समितीने ऑनलाइन पद्धतीने परीक्षण करून उत्कृष्ट २१ उपकरणांची राज्यस्तरीय प्रदर्शनासाठी निवड केली आहे.

केंद्र शासनाच्या विज्ञान आणि तंत्रज्ञान विभागामार्फत इन्स्पायर ॲर्वार्ड मानक स्पर्धेचे आयोजन करण्यात येते. सर्व मान्यताप्राप्त प्राथमिक व माध्यमिक शाळांतील अधिकाधिक पाच विद्यार्थ्यांना त्या स्पर्धेत सहभागी होण्याची संधी असते. नवनवीन विचार, संकल्पना, तंत्रज्ञानाचा अवलंब करून विद्यार्थ्यांनी उपकरणे बनविणे अपेक्षित असते. त्यासाठी नामांकनातून निवड झालेल्या दोन हजार १७० विद्यार्थ्यांच्या बँक खात्यावर प्रत्येकी दहा हजार रुपये डिजिटली जमा करण्यात आले होते. त्या सर्वांनी मार्गदर्शक शिक्षकांच्या मदतीने उपकरणे तयार करून ऑनलाइन सादरीकरण करण्यात आले. त्याचे परीक्षण आठ जणांच्या तज्ज्ञ समितीकडून करण्यात आले. शिक्षणाधिकारी (माध्यमिक) प्रभावती कोळेकर, ‘प्राथमिक’चे शिक्षणाधिकारी चोपडे, जिल्हा समन्वयक लक्ष्मण उबाळे, विज्ञान पर्यवेक्षिका, शिक्षण विस्तार अधिकारी मंगल मोरे यांनी सर्व यशस्वी विद्यार्थी, मार्गदर्शक शिक्षक व शाळा प्रमुखांचे अभिनंदन केले.

तालुकानिहाय यशस्वी विद्यार्थी व कंसात शाळा पुढीलप्रमाणे : जावळी- ओंकार गोळे (एस. व्ही. डी. एम. व्ही. पंचक्रोशी, गांजे), यश सुरवसे (महायोगी गगनगिरी माध्यमिक विद्यालय, कापसेवाडी). कऱ्हाड- अनुराधा कोरडे (जिल्हा परिषद प्राथमिक शाळा, तुळसण), अस्मिता मोरे (जिल्हा परिषद प्राथमिक शाळा, कोडोली), खंडाळा- वैष्णवी कानडे (क्रांतिज्योती सावित्रीबाई फुले माध्यमिक आणि उच्च माध्यमिक विद्यालय, नायगाव), श्रावणी ढेंबरे (एम. इ. एस. इंग्लिश मीडियम स्कूल, शिरवळ), शिवराज पवार (वसंतराव पवार पाटील विद्यालय, शिवाजीनगर). खटाव- ओंकार जगताप (चंद्रसेन विद्यामंदिर, धोंडेवाडी), कोरेगाव- शाहीद जमखिंडवाले (टी. बी. एम. इ. सी. ट्रस्ट विद्यालय, आझादपूर). महाबळेश्वर- प्रतिमा मर्ढेकर (जिल्हा परिषद केंद्रशाळा, भिलार), सानवी मोरे (जिल्हा परिषद प्राथमिक शाळा, जावली). पाटण- वेदांतिका काटे (जिल्हा परिषद प्राथमिक शाळा, पान ४ वर