मसूर (सातारा) : भारतभूमीच्या रक्षणासाठी अनेक ध्येयवेडे जवान जिल्ह्याने दिले आहेत. हेळगाव (ता. कऱ्हाड) या ठिकाणचे अनेक जवान सैन्यात कार्यरत आहेत. मात्र, याच गावच्या अंकिता रघुनाथ नलावडे या युवतीने जिद्द व चिकाटीच्या जोरावर सैन्यात भरती होऊन तरुणींसमोर आदर्श ठेवला आहे. सैन्यदलात भरती होणारी ही कऱ्हाड तालुक्‍यातली पहिलीच युवती आहे.
पोलिस दलात कार्यरत असलेल्या रघुनाथ नलावडे यांनी कन्या अंकिताला सैन्यात भरतीसाठी प्रोत्साहन दिले. अंकिताने वडिलांची इच्छा पूर्ण करण्याची जिद्द बाळगली. नववीपासूनच तिने पोलिस व सैन्यभरतीसाठी तयारी सुरू केली. बारावीनंतर पदवीपर्यंतचे शिक्षण घेत असतानाच तिने पोलिस भरती व सैन्यभरतीसाठी वारंवार प्रयत्न केले. पदवीच्या अंतिम वर्षात असतानाच तिची सैन्यात सशस्त्र सीमादलात निवड झाली.
लेखी परीक्षेनंतर रायगडला शारीरिक चाचणी झाल्यानंतर मध्यप्रदेशातील भोपाळला प्रशिक्षणासाठी अंकिता रवाना झाली आहे. या निवडीबद्दल अंकिताचे ग्रामपंचायत, विकास सेवा सोसायटी, विविध संस्थांचे पदाधिकारी, विविध मान्यवर व ग्रामस्थांनी अभिनंदन केले. अंकिता ही कऱ्हाड तालुक्‍यातील सैन्यात भरती होणारी पहिली सुकन्या ठरली आहे. हेळगावकरांच्या दृष्टीने ही अभिमानाची बाब आहे. या निवडीबद्दल अंकिताचे विविध संस्था, संघटनांतर्फे अभिनंदन करण्यात आले.
तरुणींनी आपणही काही कमी नाही, हे दाखवायचे दिवस सध्या आहेत. सैन्यदलात तरुणींना मोठी संधी आहे. ग्रामीण भागातील तरुणींकडे मोठी गुणवत्ता असते. त्यांनी त्यातून भरती व्हावे.
-अंकिता नलावडे, हेळगाव
Edited By : Balkrishna Madhale
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.