सातारा : राज्य पोलिस दलात लौकिक मिळविलेले अधिकारी खूप माेठ्या संख्येने आहेत. एखादा अधिकार चुकला म्हणून सर्वांना दोषी धरणे उचित ठरणार नाही. याबराेबरच पोलिसांची प्रतिमा मलिन झाली असे म्हणणेही योग्य ठरणार नाही. आगामी काळातही मुंबई पोलिस नावलौकिकाला साजेसे काम करत राहतील. ज्यांची चुक झाली असेल त्यांची चौकशी हाेईल. चाैकशीअंती सिध्द झाले तर त्यांच्यावर कारवाई केली जाईल, असे ग्वाही गृहराज्यमंत्री शंभूराज देसाई यांनी आज (मंगळवार) येथे पत्रकार परिषदेत दिली.
 
येथील जिल्हाधिकारी कार्यालयात एका बैठकीसाठी मंत्री देसाई आले होते. या बैठकीनंतर पत्रकारांनी त्यांना गाठले. त्यांच्यावर प्रश्नांचा भडिमार केला. मंत्री देसाईंनी केवळ सरकारला अडचणीत आणण्यासाठी भाजपकडून सातत्याने होत आहे. वारंवार सरकारवर हाेणा-या आराेपांना आम्ही सभागृहात आणि सभागृहाच्या बाहेर उत्तर देत आलाे आहाेत.  मुख्यमंत्री उद्धव ठाकरे, खासदार शरद पवार व मंत्री बाळासाहेब थोरात यांच्या नेतृत्वाखाली या सरकारची भक्कमपणे वाटचाल सुरू आहे, असेही त्यांनी स्पष्ट केले.

श्रीनिवास पाटलांच्या प्रश्नांवर गडकरी म्हणाले, आजच्या आज मला पत्र द्या

मंत्री देसाई म्हणाले पहिल्या दिवसापासून या संपूर्ण प्रकरणात स्फोटके असलेल्या गाडीचा तपास एटीएसचे अधिकारी करत होते. या प्रकरणाच्या अगदी जवळपर्यंत एटीएस पोहोचली होती. महाराष्ट्र पोलिसांची ही चांगली यंत्रणा असताना आणि महाराष्ट्र पोलिसांचा जगभर नावलौकिक असताना त्यांच्यावर गैरविश्‍वास दाखवून बाहेरच्या यंत्रणेमार्फत तपास करा, असे म्हणायचे हा महाराष्ट्रात राहून येथील पोलिसांवर गैरविश्‍वास दाखविल्यासारखे हाेत आहे.

एनआयकडून तपास सुरू असल्याने एटीएसकडून केवळ दाखविण्याचा प्रयत्न होत असल्याचा आरोप विरोधकांकडून होत आहे. या प्रश्नावर मंत्री देसाई म्हणाले, विरोधक हे सत्ताधाऱ्यांवर टीकाच करत असतात. एखाद्या बाबींचा तपास करताना संबंधित यंत्रणेच्या अधिकृत प्रतिनिधींकडून तपासात काय प्रगती झाली आहे हे बाहेर येत नाही. तोपर्यंत बाहेर केवळ वावड्या उठत असतात त्यावर बोलणे योग्य नाही.

सध्या पोलिस खात्याची प्रतिमा मलिन झाल्याचे चित्र आहे. नावलौकिक असलेल्या मंबई पोलिसांची नाचक्की झाली असून ती भरून काढण्यासाठी काय केले जाईल, या प्रश्नावर मंत्री देसाई म्हणाले, महाराष्ट्राचे पोलिस दल मोठे आहे. अनेक अधिकारी उत्तम कामगिरी करीत आहेत. एखादा अधिकारी चुकला म्हणून सगळ्यांना दोषी धरणे योग्य नाही. तसेच पोलिसांची प्रतिमा मलिन झाली असे म्हणणेही योग्य नाही. यापूढेही मुंबई पोलिस लौकिकास साजेल असे करत राहतील असा विश्वास व्यक्त करीत ज्यांची चुक झाली असेल त्यांची चौकशी करून ती सिध्द झाली तर त्यांच्यावर कारवाई केली जाईल असेही त्यांनी स्पष्ट केले.
 

विद्यार्थी कोरोनाबाधित आढळल्याने व्यवस्थापनाने आठ दिवस शाळा बंद ठेवण्याचा घेतला निर्णय़ 

महाराष्ट्रात राष्ट्रपती राजवट लागू करा, अशी मागणी संसदेत भाजपकडून होत आहे. यावर श्री. देसाई म्हणाले, महाराष्ट्रात महाविकास आघाडी सरकारचे चांगले काम विरोधकांना पहावत नाही. सध्या पूर्ण बहुमताचे सरकार असून लोकमताचा पाठींबा या सरकाला आहे. केवळ सरकारला अडचणीत आणण्यासाठी अशी मागणी भाजपकडून होत आहे. यात कोणतेही तथ्य नाही. मुख्यमंत्री उद्धव ठाकरे, खासदार शरद पवार व मंत्री बाळासाहेब थोरात यांच्या नेतृत्वाखाली या सरकारची भक्कमपणे वाटचाल सुरू आहे, असेही त्यांनी स्पष्ट केले.

पद मिळाले की लेटरपॅड, व्हिजिटिंग कार्ड छापण्यापुरते मर्यादित राहू नका

घाबरु नका, काळजी घ्या! सातारा जिल्ह्यात 34 हॉटस्पॉट; प्रशासन सतर्क