सातारा : खाशाबा जाधव यांना मरणोत्तर पद्‌म पुरस्काराने सन्मानित करण्यात यावे, तसेच बंद असलेले कुस्ती आखाडे व व्यायामशाळा सुरू कराव्यात, या मागण्यांचे निवेदन कुस्ती मल्लविद्या महासंघातर्फे प्रशासनाला देण्यात आले. 

कुस्ती मल्लविद्या महासंघाच्या सातारा जिल्हा कार्यकारिणीच्या पदाधिकाऱ्यांनी हे निवेदन दिले. कोरोना संसर्गामुळे सध्या गावोगावचे कुस्ती आखाडे व व्यायामशाळा बंद आहेत. त्यामुळे नियमित व्यायाम करणाऱ्या पैलवानांपुढे अनेक अडचणी निर्माण झाल्या आहेत. कुस्ती आखाडे होत नसल्याने त्यांच्यापुढे आर्थिक समस्याही निर्माण झाल्या आहेत. 

वेतन न मिळाल्याने साताऱ्यात एसटी कर्मचाऱ्यांचे आंदोलन

त्यामुळे कुस्ती आखाडे व गावागावांतील व्यायामशाळा सुरू कराव्यात, तसेच ऑलिंपिकवीर (कै.) खाशाबा जाधव यांना मरणोत्तर पद्‌म पुरस्काराने सन्मानित करण्यात यावे, अशा मागण्यांचे निवेदन उपजिल्हाधिकारी सुनील थोरवे व साताऱ्याच्या तहसीलदार आशा होळकर यांना देण्यात आले. या वेळी "कुस्ती मल्लविद्या'च्या जिल्हा कार्यकारिणीचे अध्यक्ष पैलवान अमर साबळे, कऱ्हाड तालुकाध्यक्ष संग्राम माने, सातारा तालुका कार्याध्यक्ष मनोज शहा, सातारा तालुका शाखेचे प्रवक्ते सागर डांगे उपस्थित होते. 

संपादन : बाळकृष्ण मधाळे