पिंपोडे बुद्रुक (सातारा) : सोळशी (ता. कोरेगाव) येथे वादळामुळे (Storm) मोठे नुकसान झाले. काल सायंकाळी सहा वाजता गावच्या उत्तरेकडील हरेश्वर डोंगर पायथ्यालगतच्या शेतकऱ्यांना (Farmers) या वादळाला सामोरे जावे लागले. या वेळी शेतातील पत्र्याचे शेड, जनावरांचे गोठे, तसेच विद्युत खांबाचे (Electric Pole) नुकसान झाले. रविवारी सायंकाळी अचानक आलेल्या वळिवाच्या पावसाने (Rain) शेतकऱ्यांची त्रेधा उडाली. सोळशी, नायगाव, नांदवळ परिसरात सुमारे अर्धा तास जोरदार पाऊस झाला. (Storm Damage To Houses In Solashi Village Satara Marathi News)

पावसासोबतच जोरदार वादळही आले. त्यामुळे डोंगर पायथ्याशी उंचावट्यावर असलेल्या भागातील शेडवरील पत्रे उडून गेले. विद्युत खांब कोसळले. जुन्या घरांच्या भिंती पडल्या. एका फार्म हाउसचे 50 हजारांचे नुकसान झाले. सुमारे 20 शेतकऱ्यांना या वादळाची झळ बसली. ग्रामपंचायतीतर्फे (Gram Panchayat) या नुकसानीची पाहणी करण्यात आली. तलाठी माळी यांनी आज सकाळी पंचनामे करुन वरिष्ठांना पाठवले आहेत. आमदार दीपकराव चव्हाण (MLA Deepak Chavan) यांनी नुकसानग्रस्तांना आर्थिक मदतीचे आश्वासन दिले आहे. उद्योजक दिगंबर आगवणे यांनी सकाळी 11 वाजता गावात भेट देऊन नुकसानीची पाहणी केली. या वेळी त्यांनी शेतकऱ्यांना आर्थिक मदत केली. या वेळी संतोष सोळसकर व ग्रामस्थ उपस्थित होते.

Storm Damage To Houses In Solashi Village Satara Marathi News