खंडाळा (सातारा) : खंडाळा गावच्या हद्दीत खंबाटकी घाटाच्या (Khambatki Ghat) दुसऱ्या वळणावर नाल्यात अंदाजे 18 ते 25 वर्ष वयाच्या अज्ञात विवाहित महिलेचा (Women) मृतदेह अर्धवट जळालेल्या अवस्थेत सापडला. या घटनेमुळे परिसरात एकच खळबळ माजली आहे. (The Dead Body Of Unidentified Woman Was Burnt In Khambatki Ghat Satara Crime News)
सोमवारी दुपारी पावणेदोनच्या सुमारास खंबाटकी घाटात महिलेचा मृतदेह नाल्यात असल्याची माहिती ट्रक चालकाने खंडाळा पोलिसांना दिली.
याबाबत खंडाळा पोलिस व घटनास्थळावरून मिळालेली माहिती अशी, सोमवारी दुपारी पावणेदोनच्या सुमारास खंबाटकी घाटात महिलेचा मृतदेह नाल्यात असल्याची माहिती ट्रक चालकाने खंडाळा पोलिसांना दिली. खंडाळा पोलिस ठाण्याच्या (Khandala Police Station) पोलिस निरीक्षक महेश इंगळे (Police Inspector Mahesh Ingle), महिला पोलिस उपनिरीक्षक स्वाती पवार, हवालदार पिसाळ, प्रशांत धुमाळ, सचिन वीर, बालाजी वडगावे, विठ्ठल पवार, चालक थोरवे यांचे पथक घटनास्थळी दाखल झाले.
सडपातळ बांधा असेलल्या विवाहित महिलेचा मृतदेह अर्धवट जळालेला होता. तिच्या पायात चांदीची जोडवी व साखळीचे पैंजण होते. चेहरा पूर्ण जळालेला होता. अज्ञात मारेकऱ्यांनी या महिलेला मारून या ठिकाणी टाकून पेटवून दिल्याची शक्यता व्यक्त होत आहे. घटनास्थळी वरिष्ठ पोलिस अधिकाऱ्यांनी भेट दिली. खंडाळा पोलिस ठाण्यात या घटनेची नोंद झाली असून अधिक तपास पोलिस निरीक्षक महेश इंगळे करीत आहेत.
The Dead Body Of Unidentified Woman Was Burnt In Khambatki Ghat Satara Crime News
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.