कऱ्हाड (सातारा) : कऱ्हाड दक्षिण विधानसभा मतदारसंघातील (Karad South Assembly constituency) घोगाव, बामणवाडी, भुरभुशी, येवती, साळशिरंबे, कोळेवाडी या गावांना जलजीवन मिशन अंतर्गत नळ पाणी पुरवठा योजनेसाठी ४ कोटी ९० लाख रुपयांचा निधी मंजूर झाला आहे. माजी मुख्यमंत्री आमदार पृथ्वीराज चव्हाण (MLA Prithviraj Chavan) यांच्या प्रयत्नातून जलजीवन मिशन अंतर्गत या गावांच्या कामांना मंजुरी मिळाली होती. (4 Crore Sanctioned For Tap Water Supply Scheme To Villages In Karad Satara Marathi News)

ही कामे कार्यान्वित करण्यासाठी जिल्हा परिषदेच्या मुख्य कार्यकारी अधिकाऱ्यांची (Zilla Parishad Chief Executive Officer) प्रशासकीय मान्यता आवश्यक असते, त्यानुसार आमदार चव्हाण यांनी पत्राद्वारे जिल्हा परिषद मुख्य कार्यकारी अधिकारी यांच्याकडे प्रशासकीय मान्यतेसाठी पाठपुरावा केला होता. त्याप्रमाणे सातारा जिल्हा परिषदेच्या मुख्य कार्यकारी अधिकाऱ्यांनी या ६ गावांच्या नळ पाणी पुरवठा योजनेच्या कामासाठी प्रशासकीय मंजुरी दिली आहे. 

जलजीवन मिशन अंतर्गत कऱ्हाड दक्षिण विधानसभा मतदारसंघातील घोगाव गावाला ९५ लाख ४६ हजार रुपये, बामणवाडी गावाला १ कोटी १४ लाख ९६ हजार रुपये, भुरभुशी गावासाठी ३८ लाख ८५ हजार रुपये, येवती गावासाठी १ कोटी १८ लाख ६ हजार रुपये, साळशिरंबे गावासाठी ३७ लाख ४४ हजार रुपये, कोळेवाडी गावासाठी ८५ लाख ४० हजार रुपये अशा ६ गावांसाठी माजी मुख्यमंत्री आमदार पृथ्वीराज चव्हाण यांच्या प्रयत्नातून जवळपास ४ कोटी ९० लाख रुपये इतका भरघोस निधी मंजूर झाला असून या गावांच्या नळ पाणी पुरवठा योजनेला सातारा जिल्हा परिषदेच्या मुख्य कार्यकारी अधिकाऱ्यांनी प्रशासकीय मान्यता दिली असून या कामांची निविदा निघाल्यानंतर ही कामे लवकरच सुरु होणार आहेत.

4 Crore Sanctioned For Tap Water Supply Scheme To Villages In Karad Satara Marathi News