चाफळ (जि. सातारा) : गमेवाडी (ता. पाटण) येथे गृहराज्यमंत्री शंभूराज देसाई यांच्या प्रयत्नातून डोंगरी विद्युत विकास आराखड्यातून मंजूर झालेल्या 12 विद्युत खांबांची उभारणी नुकतीच करण्यात आली. या वेळी संजय गांधी निराधार योजनेचे अध्यक्ष भरतराव साळुंखे, इरफान मुल्ला, गमेवाडीचे सरपंच कुणाल साळुंखे, चाफळ सेवा सोसायटीचे अध्यक्ष राजेंद्र पाटील, सुनील पाटील उपस्थित होते. 

गमेवाडीचे सरपंच कुणाल साळुंखे, इरफान मुल्ला यांनी पाठपुरावा केल्यामुळे हे विजेचे खांब उभे राहत आहेत. त्यासाठी गृहराज्यमंत्री देसाई यांनी विशेष प्रयत्न केले आहेत. ग्रामस्थांच्या पाठपुराव्यासह प्रयत्नांमुळे गमेवाडीसह आठ वाड्यावस्त्यांवर विजेचे खांब उभे राहत आहेत. चाफळसह, पाडळोशी, दाढोली, चव्हाणवाडी, केळोली, सडादाढोली, सडावाघापूर, वाघजाईवाडी परिसरातील लहान-मोठ्या वाड्यावस्तीवर विजेचे खांब उभे राहणार आहेत. काही ठिकाणी कामे झाली आहेत. काही ठिकाणी त्यांची सुरवात झाली आहे. त्यामुळे वाड्यावस्त्यांसह डोंगरी भागातील ठिकाणी अनेक वर्षे अंधारात चाचपडणारी गावे आता प्रकाशमान होणार आहेत. 

ठरलं तर! राज्यात 75 विशेष रोपवाटिकांची निर्मिती : उपमुख्यमंत्री अजित पवारांचा महत्वपूर्ण निर्णय

गृहराज्यमंत्री शंभूराज देसाई यांच्या प्रयत्नातून डोंगरी विद्युत विकास आराखड्यातून मंजूर झालेल्या निधीतून गमेवाडीसारख्या छोट्याशा गावात चौकाचौकात बारा विजेचे खांब उभे राहणार आहेत. त्यामुळे घराघरांत व रस्त्यावरील खांबांवर विजेचे बल्ब दोन दिवसांत चमकणार आहेत, अशी प्रतिक्रिया जिल्हा परिषदेचे माजी सदस्य डी. वाय. पाटील यांनी व्यक्त केली. 

संपादन : बाळकृष्ण मधाळे