सातारा : वारंवार आवाहन करूनही मास्क न वापरणाऱ्या बेफिकीर नागरिकांच्या पाया पडून सातारा कोविड डिफेंडर ग्रुपच्या सदस्यांनी बाजारपेठेत गांधीगिरी केली. या वेळी या ग्रुपतर्फे अनेकांना मास्कचे वितरणही करण्यात आले.
कोरोनाचा प्रसार रोखण्यासाठी शासनाने सर्वांना मास्क वापरण्याचे बंधन घातले आहे, तरीही अनेक नागरिक मास्कचा वापर न करता बेफिकीर राहात होते. या नागरिकांमुळे अनेकांचे आरोग्य धोक्यात येत होते. अशा बेफिकीर नागरिकांचा गांधीगिरीच्या माध्यमातून सत्कार करण्याचा निर्णय सातारा कोविड डिफेंडर ग्रुपच्या वतीने घेण्यात आला.
त्यानुसार या ग्रुपच्या सदस्यांनी साताऱ्यातील बाजारपेठ, मंडई, दुकानात मास्क न वापरता खरेदीसाठी आलेल्या, तसेच मास्क न घालता साहित्याची विक्री करणाऱ्या दुकानदारांच्या पाया पडण्यास सुरुवात केली. या प्रकारानंतर नागरिक, दुकानदारांनी मास्कचा वापर करणे सुरू केले. या आंदोलनादरम्यान ग्रुपच्या सदस्यांनी अनेकांना मास्कचेही वितरण केले.
Edited By : Balkrishna Madhale
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.