नागठाणे (जि. सातारा) : येथून बेपत्ता झालेल्या महिलेचा मृतदेह आज सकाळी माजगाव (ता. सातारा) येथील उरमोडी नदीच्या पात्रात सापडला. सुशीला विलास पाटोळे
(वय 40) असे या महिलेचे नाव आहे.
पोलिसांकडून मिळालेल्या माहितीनुसार, सुशीला पाटोळे या आपल्या मुलासह गेल्या पाच वर्षांपासून नागठाणे येथे माहेरी आई-वडिलांकडे वास्तव्यास आहेत. सोमवारी दुपारी चार वाजता शौचास जाऊन येते, असे सांगून त्या घरातून बाहेर पडल्या. बराच वेळ झाले तरी त्या घरी न परतल्यामुळे घरातील लोकांनी त्यांचा सर्वत्र शोध घेतला. त्यानंतर त्यांचे भाऊ प्रकाश विनायक बोडरे यांनी बोरगाव पोलिस ठाण्यात हरविल्याबाबतची नोंद दाखल केली होती. गेले दोन दिवस नातेवाईक त्यांचा शोध घेत होते.
आज सकाळी माजगाव गावच्या हद्दीत उरमोडी नदीपात्रात त्यांचा मृतदेह नातेवाईकांना आढळून आला. याबाबतची माहिती बोरगाव पोलिसांना मिळाल्यावर त्यांनी घटनास्थळी धाव घेत नदीपात्रातून मृतदेह बाहेर काढला. घटनेची नोंद बोरगाव पोलिस ठाण्यात झाली असून, पुढील तपास हवालदार बाजीराव पायमल हे करत आहेत.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.