सरकारी टेलिकॉम कंपनी BSNL ने इंटरनेटची वाढती गरज लक्षात घेऊन 329 रुपयांचा फायबर ब्रॉडबँड प्लान लॉन्च केला आहे. यापूर्वी 449 रुपयांचा प्लॅन (Recharge Plan) हा BSNL चा सर्वात किफायतशीर फायबर ब्रॉडबँड पर्याय होता. परंतु आता मात्र त्यापेक्षाही स्वस्त आणि मस्त प्लॅन ग्राहकांना खरेदी करता येणार आहे. 329 रुपयांचा प्लॅन ग्राहकांसाठी सर्वोत्तम पर्याय असू शकेल. 329 रुपयांची प्लॅन केवळ देशातील निवडक राज्यांमधील ग्राहकांसाठी उपलब्ध आहे. हा प्लॅन तुमच्या राज्यात उपलब्ध आहे की नाही हे शोधण्यासाठी तुम्हाला BSNL भारत फायबरच्या वेब पेजला भेट द्यावी लागेल.

BSNL 329 रुपयांच्या फायबर ब्रॉडबँड प्लॅनचे फायदे-

BSNL च्या 329 रुपयांच्या फायबर ब्रॉडबँड प्लॅनसह, वापरकर्त्यांना 20 Mbps इंटरनेट स्पीड मिळते. यासोबतच त्यांना 1000GB किंवा 1TB इंटरनेट डेटा आणि मोफत फिक्स्ड लाइन व्हॉइस कॉलिंग कनेक्शन कोणत्याही अतिरिक्त शुल्काशिवाय मिळते. BSNL या प्लॅनसह पहिल्या महिन्याच्या बिलावर 90% सूट देण्याचे आश्वासन देत आहे.

कंपनीने ऑफर केलेल्या 449 रुपयांच्या प्लॅनपेक्षा हा प्लॅन फार वेगळा नाही. परंतु ज्यांना स्वतःच्या वापरासाठी फायबर इंटरनेट कनेक्शन घ्यायचे आहे त्यांच्यासाठी हा उत्कृष्ट पर्याय ठरू शकतो. या प्लॅनमधील 1000GB डेटा एका व्यक्तीसाठी पुरेसा ठरू शकतो.