सध्या जवळपास सर्व कंपन्या त्यांचे 5G स्मार्टफोन (5G Smartphone) लॉंच करत आहेत. तसेच या 5G स्माकर्टफोनची मोठ्या प्रमाणात विक्री देखील होत आहे. यासंबंधीची आकडेवारी नुकतीच समोर आली असून 2021 मध्ये, भारतात 5G स्मार्टफोन शिपमेंटमध्ये वर्षिक 600% पेक्षा जास्त वाढ झाली. कॅलेंडर वर्ष 2021 च्या अखेरीस, भारतात स्मार्टफोनची एकूण शिपमेंट 16.6 कोटी युनिट्सच्या सर्वकालीन उच्चांकावर पोहोचली आहे. त्याच वेळी, स्मार्टफोनची कमाई $ 37 बिलियनवर पोहोचली आहे. 2021 च्या चौथ्या तिमाहीसाठी CMR च्या इंडिया मोबाइल हँडसेट मार्केट रिव्ह्यू रिपोर्टमध्ये ही माहिती सांगण्यात आली आहे.

सॅमसंग

5G स्मार्टफोन सेगमेंटमध्ये आघाडीवर आहे 2021 च्या चौथ्या तिमाहीत, सॅमसंग 5G स्मार्टफोन सेगमेंटमध्ये आघाडीवर होता. सॅमसंगचा मार्केट शेयर 23 टक्के होता. त्याच वेळी, अॅपलचा मार्केट शेयर 14 टक्के राहिला. 2021 च्या चौथ्या तिमाहीत, Xiaomi 21 टक्के शेअरसह स्मार्टफोन लीडरबोर्डमध्ये अव्वल स्थानावर आहे. त्याचवेळी रियलमी 17 टक्के शेअरसह दुसऱ्या तर सॅमसंग16 टक्के शेअरसह तिसऱ्या स्थानावर आहे. त्यानंतर या यादीत विवो आणि ओप्पोचा क्रमांक लागतो.

Apple चे हे सर्वात यशस्वी वर्ष

Apple च्या शिपमेंटमध्ये वार्षिक 31 टक्के वाढ झाली. 2021 हे वर्ष Apple साठी सर्वात यशस्वी वर्षांपैकी एक आहे. सुपर प्रीमियम सेगमेंटमध्ये (रु. 50,000 ते रु. 1 लाख रेंज), Apple 81 टक्के शेअरसह आघाडीवर आहे. 2021 मध्ये Appleचा एकूण महसूल सुमारे $5 अब्ज इतका आहे. CMR चा अंदाज आहे की कॅलेंडर वर्ष 2022 मध्ये स्मार्टफोन शिपमेंट दरवर्षी 15-18 टक्क्यांनी वाढू शकते.

यंदा 64 मिलीयन होण्याची शक्यता

CMR दावा केला आहे की, 2022 वर्षाच्या उत्तरार्धात पाहिल्या सहा महिन्यांपेक्षा परिस्थिती सुधारेल. CMR चा अंदाज आहे की 5G स्मार्टफोनची शिपमेंट सुमारे 64 मिलीयन इतकी असू शकते. त्याच वेळी, स्मार्टफोनची एकूण शिपमेंट 190 मिलीयनचा टप्पा पार करेल. 2021 मध्ये परवडणाऱ्या स्मार्टफोनची शिपमेंट (7000 रुपयांच्या खाली) कमी झाली आहे, तर प्रीमियम स्मार्टफोन सेगमेंटमध्ये वाढ झाली आहे.