Mobile Smart Features : आजच्या घडीला स्मार्टफोन हा केवळ संवादाचे साधन राहिलेला नाही तर तो आपले वैयक्तिक सहायक बनलेला आहे. पण बऱ्याचदा आपण या स्मार्टफोनमधील अनेक उपयुक्त आणि लपलेल्या फीचर्सकडे दुर्लक्ष करतो. Android असो वा iPhone, या हिडन फीचर्सचा योग्य वापर केल्यास तुमचा वेळ वाचू शकतो, कामात उत्पादकता वाढू शकते आणि एकंदर स्मार्टफोनचा एकदम भारी बनतो. चला तर मग, अशाच ८ उपयोगी आणि स्मार्टफोनमधील ‘हिडन’ ट्रिक्स जाणून घेऊया.
जर तुम्हाला तुमचा फोन दुसऱ्याला द्यायचा असेल पण त्याने फक्त एकच अ‍ॅप वापरावं अशी इच्छा असेल, तर स्क्रीन पिनिंग हे उत्तम फीचर आहे. एकदा हे फीचर सुरू केल्यावर, तुमचा फोन केवळ त्या अ‍ॅपवरच लॉक होतो. इतर अ‍ॅप्समध्ये डोकावता येत नाही.
कसे वापरावे-
Settings > Security > Screen Pinning
iOS 14 किंवा त्याहून नवीन सिस्टीम असलेल्या iPhone मध्ये, बॅक टॅप फीचरद्वारे तुम्ही फोन्सच्या मागच्या बाजूस दोन किंवा तीन टॅप करून स्क्रीनशॉट घेऊ शकता, अ‍ॅप उघडू शकता किंवा इतर क्रिया करू शकता.
कसे वापरावे-
Settings > Accessibility > Touch > Back Tap
मोठ्या स्क्रीनमुळे फोन हाताळताना अडचण येते? वनहॅन्ड मोडमुळे स्क्रीन खाली किंवा एका बाजूला सरकवता येते, ज्यामुळे अंगठ्याने सर्व ऑपरेशन्स करणे सोपे जाते.
Android:
Settings > System > Gestures > One-handed mode
iPhone (Face ID वाले):
स्क्रीनच्या खालच्या भागावर स्वाइप करा
Wi-Fi शेअर करताना पासवर्ड टाईप करण्याऐवजी, तुम्ही QR कोडद्वारे लगेच नेटवर्क शेअर करू शकता.
कसे वापरावे-
Settings > Wi-Fi > कनेक्टेड नेटवर्कवर टॅप करा > Share (QR code दिसेल)
तुमच्या खासगी चॅट्स, मेल्स किंवा बँकिंग अ‍ॅप्ससाठी एक्स्ट्रा सिक्युरिटी हवी आहे? फिंगरप्रिंटने अ‍ॅप्स लॉक करा
कसे वापरावे-
Settings मध्ये “App Lock” शोधा (ब्रँडनुसार वेगवेगळं असू शकतं)
आधुनिक स्मार्टफोनमध्ये ड्रॅग आणि ड्रॉपची सोय आहे. फोटो गॅलरीमधून उचलून थेट WhatsApp वा मेलमध्ये ड्रॉप करा एकदम सोप्पं आणि फास्ट!
फोटो काढायला वेळ नको? फक्त व्हॉल्युम किंवा पॉवर बटण दोनदा दाबा आणि कॅमेरा लगेच सुरू होईल.
वेगळे अ‍ॅप डाउनलोड न करता, तुमच्या फोनमधील Notes (iPhone) किंवा Google Drive (Android) वापरून डॉक्युमेंट्स हाय क्वालिटीमध्ये स्कॅन करा.
हे फीचर्स वापरून स्मार्टफोनचा वापर अधिक स्मार्ट पद्धतीने करा. तुमचा वेळ, डेटा आणि मेहनत तिन्ही वाचेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.