AI Photo Editing Tools : आर्टिफिशिअल इंटेलिजन्स अर्थात AI  मुळे आता डिजिटल जग मोठ्या प्रमाणात बदलताना दिसत आहे. AI चे अनेक आश्चर्यकारक फिचर्स डिजिटल जगात काम करणाऱ्या लोकांची कामे सोपी करत आहे. चॅटजीपीटी देखील बायोडाटा लिहिण्यापासून ते राजीनामा लिहिण्यापर्यंत सर्व कंटेंटची काम अवघ्या काही मिनिटांमध्ये करत आहे.

AI मुळे आता फोटो एडिटिंग करणे देखील सोपे झाले आहे. यासाठी तुम्हाला काही फोटो एडिटिंग करणाऱ्या AI टुल्सची मदत घ्यावी लागेल. अवघ्या काही मिनिटांमध्ये हे एडिटिंग करता येत असल्याने फोटो अप्रतिम दिसतात. कोणते आहेत हे AI फोटो एडिटिंग टूल्स? चला तर मग जाणून घेऊयात.

लूमिनर नियो (Luminar Neo)

लूमिनर नियो हे AI एडिटिंग टूल विंडोज आणि मॅकवर उपलब्ध आहे. जर तुम्हाला AI एडिटिंग केवळ लॅपटॉप किंवा डेस्कटॉपवर करायचे असेल तर, हे टूल तुमच्यासाठी अतिशय उपयुक्त ठरू शकते. वापरण्यास सोपे असलेले हे टूल विनामूल्य असून जर तुम्हाला कायमस्वरूपी हवे असेल तर तुम्ही सशुल्क अर्थात पेड व्हर्जन देखील याचे घेऊ शकता.

फोटो एडिटिंगसाठी हे टूल अतिशय उत्तम आहे. या टूलमध्ये तुम्हाला विविध प्रकारचे टेंम्प्लेट्स देखील मिळू शकतात. यासोबत इतर अनेक प्रकारची फोटो एडिटिंग आणि फिचर्स यामध्ये उपलब्ध आहेत.

बीफंकी (Befunky)

बीफंकी हे AI फोटो एडिटिंग टूल वेब अ‍ॅप, IOS आणि अ‍ॅड्रॉईड अ‍ॅपवर उपलब्ध आहे.  अ‍ॅप फॉर्ममध्ये उपलब्ध असलेले हे फोटो एडिटिंग टूल युझर फ्रेंडली असून वापरण्यास अतिशय सोपे आहे. जर तुम्हाला लवकर फोटो एडिटिंग करून हवी असेल तर त्यासाठी हा एक बेस्ट ऑप्शन आहे. यामध्ये तुम्हाला मॅन्युअल एडिटिंगसोबत अनेक ऑप्शन्स मिळू शकतील.

पिक्सलर (Pixlr)

पिक्सलर हे AI फोटो एडिटिंग टूल वेब अ‍ॅप, विंडोज, मॅक IOS आणि अ‍ॅड्रॉईड प्लॅटफॉर्मवर उपलब्ध आहे. य फोटो एडिटिंग टूलमध्ये AI चे भरपूर फिचर्स आहेत. या फिचर्सच्या मदतीने तुम्ही फोटो क्वालिटी देखील उत्तम बनवू शकता.  

सर्वात महत्वाची बाब ही आहे की, हे टूल 100 % ऑटोमेटिक फोटो एडिटिंगचा ऑप्शन देखील देते. त्यामुळ, फोटो एडिटिंगची क्वालिटी आणखी सुधारते.