Airtel Prepaid Plan : एअरटेलने काही दिवसांपूर्वी आपल्या प्रीपेड प्लॅनचे (Airtel Prepaid Plan rates) दर वाढवले ​​आहेत, या दर वाढीनंतर आता कंपनीने आपल्या वापरकर्त्यांसाठी गुपचूप एक नवीन रिचार्ज प्लॅन लॉन्च केला आहे. एअरटेलच्या नवीन प्लॅनची ​​किंमत 666 रुपये असून आज आपण या प्लॅनचे फायदे आणि वैधता याबद्दल माहिती घेणार आहोत. जर तुम्ही देखील एअरटेल वापरकर्ते असाल आणि 700 रुपयांच्या खाली नवीन प्लॅन शोधत असाल, तर हा प्लॅन तुमच्यासाठी बेस्ट ठरु शकतो.

एअरटेलचा 666 रुपयांचा प्लॅन

या Airtel रिचार्ज प्लॅन मध्ये वापरकर्त्यांना 77 दिवसांची वैधता आणि त्यासोबत दररोज 1.5 GB डेटा ऑफर केला जात आहे, त्यानुसार, या प्लॅनमध्ये 115.5 GB डेटा मिळेल. यासोबतच कोणत्याही नेटवर्कवर अनलिमीटेड व्हॉईस कॉलिंग आणि दररोज 100 एसएमएस दिले जातात.

तसेच 666 रुपयांच्या एअरटेलच्या या प्लॅन मध्ये तुम्हाला Amazon प्राइम व्हिडिओ मोबाइल एडिशन फ्री ट्रायल, अपोलो 24/7 सर्कल 3 महिन्यांसाठी, शॉ अकादमीचा विनामूल्य ऑनलाइन कोर्स, FasTag वर 100 रुपयांचा कॅशबॅक, फ्री हॅलोट्यून आणि Wink Music चा फ्री एक्सेस देण्यात येतो.

Vodafone Idea ने नुकताच आपला Vi 666 प्लॅन देखील लाँच केला आहे , या प्लॅनमध्ये दररोज 1.5 GB डेटा अनलिमीटेड व्हॉइस कॉलिंग आणि 100 SMS हे 77 दिवसांच्या वैधतेसह दिले जातात. इतर फायद्यांबद्दल बोलायचे झाल्यास, या प्लॅनमध्ये Binge All Night, Weekend Data Rollover आणि Data Delight ऑफर करतो.