यंदाच्या आयसीसी मेन्स क्रिकेट विश्वचषकाची सुरुवात झाली आहे. डिज्नी+हॉटस्टारवर या वर्ल्डकपमधील सामने मोफत पााहता येणार असल्याचं आधीच जाहीर करण्यात आलं आहे. आता एअरटेल आणि जिओ या कंपन्यांनी देखील क्रिकेट फॅन्ससाठी विशेष प्लॅन्स लाँच केले आहेत.

वर्ल्डकपमधील सामने अगदी स्वस्तात पाहता यावेत यासाठी एअरटेलने दोन पॉकेट फ्रेंडली प्लॅन लाँच केले आहेत. तर, जिओने देखील मासिक, तिमाही आणि एका वर्षाचे नवीन प्लॅन लाँच केले आहेत. हे प्लॅन्स प्रीपेड ग्राहकांसाठी आहेत.

जिओचे पाच प्लॅन

जिओने 388 रुपयांचा मासिक प्लॅन लाँच केला आहे. यामध्ये 30 दिवसांसाठी दररोज 1.5GB डेटा, अनलिमिटेड कॉलिंग आणि दिवसाचे 100 एसएमएस आणि तीन महिन्यांचं डिज्नी+हॉटस्टार मोबाईल सबस्र्किप्शन अशा सुविधा मिळतील. एका महिन्याच्या 598 रुपयांच्या प्लॅनमध्येही याच सुविधा आहेत, मात्र दैनंदिन डेटा लिमिट 2GB आहे. (World Cup News)

758 रुपयांच्या प्लॅनमध्ये 84 दिवसांसाठी दैनंदिन 1.5GB डेटा, अनलिमिटेड कॉलिंग, दिवसाचे 100 SMS आणि डिज्नी+हॉटस्टार मोबाईल सबस्क्रिप्शन या सुविधा मिळतात. यातच 808 रुपयांच्या प्लॅनमध्ये दैनंदिन 2 GB डेटासह सारखेच फायदे मिळतात. 3,178 रुपयांच्या वार्षिक प्लॅनमध्ये दैनंदिन 2GB डेटा, डिज्नी+हॉटस्टार मोबाईल सबस्किप्शन, अनलिमिटेड कॉलिंग आणि दिवसाचे 100 SMS अशा सुविधा 365 दिवसांसाठी मिळतात.

जिओने 331 रुपयांचा डेटा बूस्टर प्लॅनही लाँच केला आहे. यामध्ये एका महिन्यासाठी 40GB डेटा आणि डिज्नी+हॉटस्टार मोबाईल सबस्र्किप्शन देखील मिळतं. यासाठी तुमच्याकडे एखादा बेसिक प्लॅन असणं गरजेचं आहे. (Sports News)

एअरटेलचे प्लॅन

एअरटेलने 99 आणि 49 रुपयांचे दोन स्वस्त प्रीपेड प्लॅन लाँच केले आहेत. 99 रुपयांच्या प्लॅनमध्ये यूजर्सना दोन दिवसांसाठी अनलिमिटेड हायस्पीड इंटरनेट मिळतं. तर 49 रुपयांच्या प्लॅनमध्ये यूजर्सना एका दिवसासाठी 6GB डेटा मिळतो.