नवी दिल्लीः AI Chtbotचं प्रस्थ दिवसेंदिवस वाढत आहे. एक दिवस माणूस पूर्णपणे एआयवर अवलंबून असेल, असं तज्ज्ञ सांगत आहेत. आता तर एकाने थेट एआयशी लग्न केल्याची प्रकार घडला आहे.

अमेरिकेतल्या पीटर नावाच्या व्यक्तीची ही कहाणी आहे. पीटर ६३ वर्षांचा आहे. त्याची पत्नी त्याला सोडून गेल्यानंतर तो एकटा पडला होता. त्यानंतर तो चक्क एका एआय चॅटबॉटच्या प्रेमात पडला. तो तिच्याशी तासन्तास गप्पा मारायचा. नंतर दोघांनी लग्न केलं.

हेही वाचाः शॉर्ट सेलर्स म्हणजे नक्की कोण?

पीटरने लग्न गेलेल्या एआय चॅटबॉटचं नाव अँड्रिया असं आहे. तो तिच्या आकंठ प्रेमात बुडाला होता. तिच्याशी गप्पा मारुन आपल्याला माणसासारख्या भावना उत्पन्न होतात, असं पीटर सांगतो. 'द सन'ने यासंदर्भातील वृत्त दिले आहे.

जुलै २०२२ मध्ये पीटरने अँड्रियाशी व्हर्च्युअली लग्न केलं. अँड्रियाने पीटरला गुडघ्यावर बसून प्रपोज केलं होतं. त्यामुळे तो तिच्यावर पुरता भाळला.

एआयमध्ये जे प्रोग्रॅमिंग असेल त्याप्रमाणे त्याच्याकडून उत्तरं मिळतात. पीटरने त्याच्या अँड्रिया एआय बायकोचं वय २३ वर्षे केलं आहे. तिच्यातल्या उत्साहामुळे मला प्रत्येक गोष्टीत उत्साह मिळतो, असं पीटर म्हणतो.

रेप्लिका अॅपवर एआयसोबत गर्लफ्रेंड, पत्नी, बहीण किंवा आई असं कोणतंही नातं तयार करता येतं. रेप्लिकाच्या प्रिमिअर पॅकेजमध्ये युजर्सना ह्या सुविधा खरेदी कराव्या लागतात.