आनंद महिंद्रा नेहमीच ट्विटरवर कार्यशील असून त्यावर चांगल्या बातम्या शेअर करत असतात. आता त्यांनी आपण मेटाव्हर्सच्या दुनियेत पाऊल ठेवल्याचे सांगितले आहे. त्यांनी एक व्हिडिओ पोस्ट करून लिहिले की, मेटाव्हर्समध्ये आमच्याबरोबर सामील व्हा, असे त्यांनी म्हटले आहे. (Anand Mahindra Latest Tweet)

ट्विटरवर शेअर केलेल्या व्हिडिओमध्ये त्यांनी टेक महिंद्रा ही कंपनी मेटाव्हर्समध्ये काम करायाला सुरू करत असल्याचे म्हटले आहे. भविष्याची ही गरज आहे. जगात वेगवेगळे प्रयोग होत आहेत. Metaverse ही अशी एक जागा असेल जिथे कोणीही डिजिटल अवतारात सहभागी होऊ शकेल. तसेच हे जग तुम्हाला राहण्यासाठी एक नवीन जागा बनू शकतं, असंही त्यांनी ट्विटरवर म्हटलं आहे.

टेक महिंद्राने केले तयार

ही मेटाव्हर्स स्पेस महिंद्रा ग्रुपच्या सॉफ्टवेअर कंपनी टेक महिंद्राने तयार केली आहे. या Simplicity मध्ये एक कार डीलर (DealerVerse), NFT मार्केटप्लेस, एक आभासी बँक मेटा बँक आणि गेमिंग सेंटर असेल. हे प्लॅटफॉर्म लोकांसाठी NFT ट्रेडिंग आणि ब्लॉकचेन प्लॅटफॉर्म म्हणून काम करेल. तसेच डिझाईन आणि कंटेटसाठी इमर्सिव डिजिटल आणि व्यावसायिक अनुभव देईल.

मेटाव्हर्स म्हणजे काय

हा एक 3D आभासी जग आहे. हे ऑगमेंटेड रिअॅलिटी आणि व्हर्च्युअल रिअॅलिटीवर आधारित आहे.

या तंत्रज्ञानाच्या मदतीने, एखादी व्यक्ती पूर्णपणे आभासी जगात प्रवेश करते. त्या व्यक्तीला आभासी जग खरेच असल्याचे वाटू लागते.

Metaverse च्या मदतीने तुम्हाला आभासी जगात जे काही करायचे आहे ते त्याचा अनुभव तुम्हाला घेता येतो.

मेटाव्हर्सच्या मदतीने, तुम्ही हजारो किलोमीटर दूर असलेल्या आभासी जगातल्या तुमच्या मित्रांसोबत चहा आणि कॉफी पिऊ शकता.

मेटाव्हर्सला सोशल मीडियाचे भविष्य म्हटले जाते. नुकतेच फेसबुकने आपले नाव बदलून मेटा केले आहे.