चीन आणि तैवानमध्ये सुरू असलेल्या तणावाचा परिणाम बाजारावर दिसू लागला आहे. स्मार्टफोन, लॅपटॉप आणि इलेक्ट्रॉनिक्स कंपन्यांसाठी दोन्ही देश महत्त्वाचे आहेत. अमेरिकेच्या अध्यक्षा नॅन्सी पेलोसी यांच्या नुकत्याच झालेल्या तैवान दौऱ्यामुळे चीन संतापला आहे. चीन तैवानला वेढा घालून फायर ड्रिल करत आहे.

या कारणांमुळे कंपन्यांना व्यवसायाशी संबंधित समस्यांना सामोरे जावे लागू शकते. दिग्गज स्मार्टफोन निर्माता ॲपलने आपल्या पुरवठादारांना चीनच्या नियमांचे पालन करण्यास सांगितले आहे.

कंपनीने तैवानमधून चीनला जाणाऱ्या शिपमेंटसाठी चिनी नियमांचे काटेकोरपणे पालन करण्याचे निर्देश दिले आहेत. शुक्रवारी, Appleने आपल्या पुरवठादारांना सांगितले की, चीनने तैवानमध्ये बनवलेल्या भागांवर कठोर नियम लागू करण्यास सुरुवात केली आहे.

'चीनचे नियमानचे पालन करा'

Nikkei Asia शी संबंधितांनी सांगितले की, Apple ने पुरवठादारांना याबाबत चेतावणी दिली आहे. कंपनीने म्हटले आहे की तैवान ते चीन प्रवास करणारे भाग आणि घटकांना 'तैवान, चायना' किंवा 'चायनीज ताइपे' असे लेबल लावावे. अमेरिकन कंपनीने पुरवठादारांना या प्रकरणात गती दाखवण्यास सांगितले आहे, जेणेकरून वस्तू आणि घटकांना छाननीदरम्यान कोणतीही अडचण येऊ नये.