जर तुम्ही दमदार रेंज आणि चांगला टॉप स्पीड असलेली इलेक्ट्रिक स्कूटर खरेदी करण्याचा विचार करत असाल, तर सध्या बाजारात अनेक पर्याय उपलब्ध आहेत. आज आपण अशाच एका स्कूटरबद्दल जाणून घेणार आहोत. या स्कूटरमध्ये तुम्हाला 110KM पेक्षा जास्त रेंज आणि 80 kmph चा टॉप स्पीड मिळेल. ही स्कूटर भारतीय इलेक्ट्रिक कंपनी Ather Energy ची ather 450x electric scooter आहे.

स्कूटरची किंमत काय आहे

Ather 450x इलेक्ट्रिक स्कूटर बंगलोर, नवी दिल्ली आणि मुंबईसह अनेक मोठ्या शहरांमध्ये उपलब्ध आहे. किंमतीबद्दल बोलायचे झाले तर नवी दिल्लीत Ather 450X इलेक्ट्रिक स्कूटरची एक्स-शोरूम किंमत 1,71,415 रुपये आहे. मात्र, राज्य सरकारकडून अनुदान मिळाल्यानंतर तुम्हाला ते 1,32,426 रुपयांना मिळेल. इलेक्ट्रिक स्कूटरची ड्राइव्ह रेंज 116 किमी आहे.

ही इलेक्ट्रिक स्कूटर 10 मिनिटे चार्ज केल्यानंतर 15KM धावेल, तसेच या इलेक्ट्रिक स्कूटरला 6 kW ची मोटर देण्यात आली आहे, जी 2.9 kWh च्या लिथियम-आयन बॅटरीने जोडलेली आहे. जी मोटर 26Nm इन्स्टंट टॉर्क जनरेट करते. यात इको, राइड, स्पोर्ट आणि वार्प असे चार राइडिंग मोड देण्यात आले आहेत. वार्प मोडमध्ये, ही स्कूटर 3.3 सेकंदात 0 ते 40kmph चा वेग गाठते आणि तिचा टॉप स्पीड 80 kmph आहे. रेग्युलर होम चार्जर (5 amp) स्कूटरची बॅटरी 3 तास 35 मिनिटांत 0 ते 80 टक्के आणि 5 तास 45 मिनिटांत 0-100 टक्के चार्ज करू शकतो. फास्ट चार्जरद्वारे बॅटरी 1.5 किमी/मिनिट वेगाने चार्ज करता येते. म्हणजेच, 10 मिनिटांच्या चार्जिंगनंतर तुम्हाला 15KM पर्यंतची रेंज मिळेल.

फीचर्स

450X इलेक्ट्रिक स्कूटर व्हाइट, ग्रे आणि मिंट कलर ऑप्शन्समध्ये उपलब्ध आहे. नवीन 450X मध्ये 7-इंचाचा टचस्क्रीन डॅशबोर्ड दिला आहे, जो स्नॅपड्रॅगन 212 क्वाड-कोर प्रोसेसरने 1GB RAM आणि 8GB स्टोरेजसह जोडलेला आहे. हे 4G सिम कार्डसह सुसज्ज आहे आणि वाय-फाय आणि ब्लूटूथ कनेक्टिव्हिटीला सपोर्ट देते. यात मॅप नेव्हिगेशन, ऑन-बोर्ड डायग्नोस्टिक्स आणि ओव्हर-द-एअर अपडेट्स, ऑटो इंडिकेटर ऑफ आणि गाइड-मी-होम लाइट यांसारखी इतर फीचर्स देखील मिळतात. हे स्मार्ट हेल्मेट आणि टायर प्रेशर मॉनिटरिंग सिस्टम (TPMS) सारख्या कनेक्टेड अॅक्सेसरीजना सपोर्ट करते.