Health Care Tips in AC : उन्हाळ्याचे दिवस आले म्हणजे भारतीय शहरांमध्ये उकाड्याने हालत खराब झाल्याशिवाय राहत नाही. विशेषतः रात्री झोपताना एसी (AC) चालू ठेवणं अनेकांसाठी हायसं वाटतं. पण जर तुम्ही संपूर्ण रात्रभर AC सुरू ठेवत असाल तर तुमच्या शरीरावर, आरोग्यावर आणि विजेच्या बिलावर त्याचे विपरीत परिणाम होऊ शकतात. त्यामुळे AC वापरताना काही गोष्टींचं काटेकोर पालन करणं गरजेचं आहे. पुढे अशाच 5 सवयी दिल्या आहेत ज्या टाळल्यास तुम्हाला शांत झोप, चांगलं आरोग्य आणि वीजबचत हे तिन्ही मिळू शकतं.
बरेच जण AC सुरू करताना तापमान 16-18 अंश सेल्सिअसवर सेट करतात. हे सुरुवातीला थंड वाटतं, पण झोपेत असताना शरीराला "थर्मल शॉक" देऊ शकतं. म्हणजेच शरीराच्या नैसर्गिक तापमानाशी विरोधाभास निर्माण होतो.
AC चं आदर्श तापमान 24-26 अंश सेल्सिअस दरम्यान ठेवावं. यामुळे शरीराला आराम मिळतो, विजेचा वापर कमी होतो आणि झोपही चांगली लागते.
आजकाल बऱ्याच AC मध्ये Sleep Mode आणि Timer Setting असते. पण त्याचा उपयोग फार कमी लोक करतात. ही वैशिष्ट्यं रात्रीच्या झोपेच्या वेळी तापमान आपोआप नियंत्रित करतात आणि AC अनावश्यक वेळ सुरू राहणं टाळता येते. या सेटिंग्स वापरल्याने विजेचा अपव्यय कमी होतो आणि AC ओव्हरकूलिंग करणं टाळलं जातं.
AC चा थंड वारा जर थेट शरीरावर लागत असेल, तर सकाळी मान आखडलेली, डोके दुखणं, घसा दुखणं अशा तक्रारी होऊ शकतात. AC युनिट आणि पलंगात किमान 3–4 फूट अंतर ठेवा. तसेच, हवा खेळती राहील याची काळजी घ्या एअर व्हेंट्स अडवू नका.
गडद झालेले, धुळीचे फिल्टर्स AC च्या क्षमतेवर परिणाम करतातच, पण हवा धुळ असलेली आणि अ‍ॅलर्जीन युक्त होऊ शकते. विशेषतः ज्यांना दमा किंवा अ‍ॅलर्जी आहे त्यांच्यासाठी हे धोकादायक ठरू शकतं. उन्हाळ्यात AC दररोज वापरत असाल, तर दर 15-20 दिवसांनी फिल्टर साफ करणं आवश्यक आहे.
जर खोली योग्यरीत्या बंद नसली, तर AC कितीही वेळ चालू ठेवला तरी थंड हवा टिकणार नाही. बाहेरचा गरम वारा खोलीत येऊन AC वर अतिरिक्त दमट हवा बनते. दरवाजे-खिडक्या नीट बंद ठेवा, जाड पडदे लावा आणि शक्य असल्यास दुपारी सूर्यकिरण खोलीत येऊ देऊ नका.
AC सोबत छतावरील फॅन कमी वेगाने सुरू ठेवा, जेणेकरून थंड हवा खोलीभर नीट फिरेल. आणि हो, रात्री झोपताना जवळ पाण्याची बाटली ठेवा. AC मुळे त्वचा आणि घसा कोरडा पडू शकतो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.