मुंबई : भारत संचार निगम लिमिटेड (BSNL) ने अलीकडेच तीन नवीन प्री-पेड प्लॅन लाँच केले आहेत आणि आता कंपनीने आपल्या अनेक प्री-पेड प्लॅन्स एकाच वेळी महाग केले आहेत. टेलिकॉम टॉकने सर्वप्रथम ही माहिती दिली आहे. आता BSNL ने एकाच वेळी आपल्या तीन प्री-पेड प्लॅनमध्ये उपलब्ध वैशिष्ट्ये कमी केली आहेत.
BSNL च्या ९९ रुपयांच्या प्लॅनचे नवीन फायदे
BSNL च्या 99 रुपयांच्या प्री-पेड प्लॅनमध्ये पूर्वी अमर्यादित कॉलिंगसह 22 दिवसांची वैधता मिळायची पण आता या प्लॅनची वैधता 18 दिवसांची झाली आहे म्हणजेच तुम्ही वैधतेच्या बाबतीत 4 दिवस गमावले आहेत. इतर सर्व सुविधा पूर्वीप्रमाणेच मिळत राहतील.
बीएसएनएलचा 118 रुपयांचा प्लॅन
BSNL च्या 118 रुपयांच्या प्लॅनमध्ये दररोज 500 MB डेटा मिळतो. या प्लॅनमध्ये अनलिमिटेड कॉलिंग देखील उपलब्ध आहे. आता नवीन बदलामध्ये या प्लानची वैधता 20 दिवसांची झाली आहे, जी पूर्वी 26 दिवसांची होती. सोप्या भाषेत सांगायचे तर, या प्लॅनची किंमत देखील सुमारे 4.53 रुपयांनी वाढली आहे.
BSNL च्या 319 रुपयांच्या प्लॅनचे नवीन फायदे
बीएसएनएलचा 319 रुपयांचा प्लान 75 दिवसांच्या वैधतेसह येत असे. या प्लॅनमध्ये अमर्यादित कॉलिंगसह दररोज 300 एसएमएस आणि 10 जीबी डेटा उपलब्ध आहे. आता या प्लानची वैधता 65 दिवसांची झाली आहे. म्हणजेच हा प्लॅनही जवळपास 4.25 रुपयांनी महाग झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.