Chandrayaan 3: भारताच्या चांद्रयान-3 ने चंद्राविषयी माहिती देण्यास सुरुवात केली आहे. विक्रम लँडर आणि रोव्हर प्रज्ञान वरील सर्व उपकरणे व्यवस्थित काम करत आहेत. विक्रमच्या ChaSTE पेलोडने प्राथमिक माहिती पाठविली आहे.

इंडियन स्पेस रिसर्च ऑर्गनायझेशन (ISRO) ने हे अपडेट X (पूर्वी ट्विटर) वर शेअर केले होते. विक्रम लँडरवरील ChaSTE ध्रुवाभोवरील चंद्राच्या मातीचे तापमान मोजले आहे.

चंद्राच्या दक्षिण ध्रुवावर केलेली ही पहिली तपासणी आहे. असे करणारा भारत हा पहिला देश आहे. माहितीचा सविस्तर अभ्यास सुरू असल्याचे इस्रोने म्हटले आहे.

विक्रम लँडरवरील ChaSTE ने काय सांगितले?

• इस्रोने शेअर केलेल्या आलेखानुसार चंद्राच्या पृष्ठभागाचे तापमान अंदाजे 50 अंश सेल्सिअस आहे.

• खोलवर गेल्यावर तापमान झपाट्याने घसरते. 80 मिमीच्या आत गेल्यानंतर, तापमान -10 अंशांपर्यंत खाली येते.

सूर्य चंद्राच्या दक्षिण ध्रुवावर क्षितिजाच्या खाली किंवा वर फिरतो, त्यामुळे सूर्यप्रकाशाच्या वेळी तापमान 130 °F (54 °C) पेक्षा जास्त होते. शास्त्रज्ञांच्या मते, प्रकाशाच्या या काळातही, उंच पर्वतावर काळ्या सावल्या पाडतात.

काही खड्डे कायमस्वरूपी सावली असलेल्या भागात आहेत ज्यांनी अब्जावधी वर्षांमध्ये दिवसाचा प्रकाश पाहिला नाही, तेथे तापमान −334 °F ते −414 °F (−203 °C ते −248 °C) पर्यंत असते.

प्रज्ञान रोव्हरचे फोटो कधी येतील? इस्रो प्रमुखांनी सांगितले

इस्रोचे अध्यक्ष एस. सोमनाथ म्हणाले की, रोव्हर चंद्राच्या पृष्ठभागावरून काढत असलेले फोटो इस्रोच्या स्थानकांपर्यंत पोहोचण्यास वेळ लागेल.

ते म्हणाले की, ISRO यामध्ये अमेरिका, ब्रिटन आणि ऑस्ट्रेलियासारख्या इतर देशांच्या ग्राउंड स्टेशनची मदत घेत आहे. चंद्राच्या पृष्ठभागावर वातावरण नसल्यामुळे सर्व सावल्या गडद दिसत आहेत आणि त्यामुळे स्पष्ट फोटो मिळणे कठीण होत असल्याचेही त्यांनी सांगितले.

सोमनाथ म्हणाले की, चंद्राच्या दक्षिण ध्रुवावर उतरणारा भारत हा पहिला देश आहे. दक्षिण ध्रुवावरील चंद्राचा पृष्ठभाग, पर्वत आणि दऱ्यांमुळे अतिशय गुंतागुंतीचा आहे आणि मोजणीतील थोडीशी चूक देखील लँडर मोहीम अयशस्वी होऊ शकते.