Chandrayaan 3 update : चांद्रयान ३ बाबतची एक मोठी अपडेट सध्या समोर आली आहे. त्यानुसार, भारतीय अंतराळ संशोधन संस्था अर्थात इस्रोनं आपला प्लान बदलला आहे. त्यामुळं आता चंद्रावर असलेला विक्रम लँडर आणि प्रज्ञान रोव्हर जे आजच कार्यान्वित करण्यात येतील असं सांगितलं जात होतं पण आता हे काम पुढं ढकलण्यात आलं आहे. (Chandrayaan 3 update Isro postpones plans to revive Vikram Pragyan on Moon)

कधी होणार पुनरुज्जीवित?

स्पेस अॅप्लिकेशन सेंटरचे संचालक निलेश देसाई यांनी सांगितलं की, "चंद्राच्या ज्या भागात विक्रम लँडर उतरलं आहे तिथं चौदा दिवसांनंतर पुन्हा एकदा सूर्य उगवला आहे. त्यामुळं नुकताच आम्ही प्लान केला होता की, २२ सप्टेंबर रोजी संध्याकाळी प्रज्ञान रोव्हर आणि विक्रम लँडरला पुनरुज्जीवित करायचं. पण काही अपरिहार्य कारणांमुळं हे काम उद्यावर २३ सप्टेंबर पर्यंत ढकलण्यात आलं आहे" इंडिया टुडेनं याबाबत वृत्त दिलं आहे. (Marathi Tajya Batmya)

शिवशक्ती पॉईंट

चांद्रयान ३ च्या लॉन्चिंगनंतर विक्रम लँडर आणि प्रज्ञान रोव्हरनं २३ ऑगस्ट रोजी चंद्राच्या जमिनीवर पाऊल ठेवलं. या ठिकाणाला आता शिवशक्ती पॉईंट म्हणून ओळखलं जात आहे, पंतप्रधान नरेंद्र मोदी यांनी याचं नामकरण केलं. (Latest Marathi News)

चंद्रावरील मुलद्रव्यांचा लागला शोध

रोव्हर चंद्रावर उतरल्यानंतर त्यानं अनेक मुलद्रव्यांचा शोध घेतला. त्यानुसार, चंद्रावर सल्फर, ऑक्सिजन, पाण्याचा अंश असल्याचंही दिसून आलं आहे. त्याचबरोबर हायड्रोजनही चंद्रावर असल्याचं रोव्हरवरील विविध प्रकारच्या उपकरणातून समोर आलं आहे. त्यामुळं ही केवळ भारतासाठीच नव्हे तर जगासाठी महत्वाची गोष्ट आहे.