नवी दिल्ली- ग्लीडेन (Gleeden) या विवाहबाह्य संबंध ठेवण्यासाठी असलेल्या डेटिंग अॅपची कोरोना महामारीच्या काळात चांगलीच चांदी झाल्याचं दिसतंय. कोरोना काळात भारतीय यूझर्सने या अॅपवर तब्बल 13 लाखांचा टप्पा ओलांडला आहे. ग्लीडेनने मंगळवारी यासंबंधीचा डेटा शेअर केला आहे. 

गेल्या तीन महिन्यामध्ये ग्लीडेन अॅपने सब्सक्रिप्शनच्या बाबतीत उंचाक गाठला. सप्टेंबर, ऑक्टोंबर आणि नोव्हेंबर या महिन्यात भारतामध्ये सब्सक्रिप्शनची संख्या तुफान वेगाने वाढली. या तीन महिन्यात सब्सक्रिप्शनमध्ये 246 टक्क्यांची वाढ झाल्याने कंपनीने सांगितले आहे. गेल्या चार महिन्यात तीन लाखांपेक्षा अधिक सब्सक्रायबर्स भारतामधून जोडले गेले आहेत. विशेष म्हणजे गेल्या दोन महिन्यातच 2.5 लाख नवे सब्सक्रायबर्स जोडले गेले आहेत. 

'मारी'भाईची हॉलिवूडमध्ये एन्ट्री; Avengersच्या टीमबरोबर करणार काम

कोरोना महामारीच्या काळात लॉकडाऊन जाहीर करण्यात आला होता. त्यामुळे सर्वांना घरीच राहणे बंधनकारण झाले होते. त्यामुळे 2019 च्या तुलनेत अॅपवर वेळ घालवण्याचे प्रमाण 2020 मध्ये तिप्पट पटीने वाढले आहे. कोरोनाच्या काळात लोकांनी प्रत्यक्ष भेटण्याऐवजी, व्हर्चुअल पद्धतीने भेटणे पसंद केले. ग्लीडेन डेटिंग अॅपला देशात मान्यता मिळाली असल्याचे कंपनीचे भारतातील प्रमुख सायबील शिन्डेल Sybil Shiddell यांनी म्हटलं आहे. 

एकट्या बंगळूरमध्ये ग्लीडनचे 16.2 टक्के युझर्स आहेत. मुंबईत या अॅपचे 15.6 टक्के यूझर्स आहेत. दिल्ली तिसऱ्या स्थानावर असून राजधानीत 15.4 टक्के यूझर्स आहेत. ग्लीडन कंपनीने जाहीर केलेल्या माहितीनुसार यूरोपीयन नागरिकांपेक्षा भारतीय जवळजवळ साडेतीन तास जास्त या अॅपवर घालतात. अॅपवर भेटण्याची वेळ 10 ते 12 जास्त आहे. कोरोनाच्या काळात कंपनीच्या उत्पन्नात प्रचंड वाढ झाली आहे.