तुम्ही देखील आयफोन खरेदीचा विचार करत असाल तर तुमच्यासाठी ही चांगली संधी ठरु शकते. कारण सध्या iPhone SE (2020) आता सवलतीच्या दरात उपलब्ध आहे. तुम्हाला परवडणारा Apple फोन चा एक्सपिरिएंस घ्यायचा असेल, तर iPhone SE (2020) 64GB स्टोरेज व्हेरिएंट फक्त 15,498 रुपयांना उपलब्ध आहे.

हा फोन तुम्हाला कमी किंमतीत फ्लिपकार्टवरून खरेदी करता येईल. सध्या फोनवर अनेक प्रकारच्या ऑफर्स दिल्या जात आहेत, त्यानंतर त्याची किंमत खूपच कमी झाली आहे. Apple 8 मार्च रोजी एक सार्वजनिक कार्यक्रम घेणार आहे ज्यामध्ये कंपनी iPhone SE 3 सादर करेल. iPhone SE (2020) वर ही डिस्काउंट या कार्यक्रमापूर्वीच जारी करण्यात आला आहे. याशिवाय या कार्यक्रमात आणखी अनेक प्रॉडक्ट्स लाँच केली जाऊ शकतात.

iPhone SE (2020) किंमत, ऑफर

iPhone SE (2020) 64GB मॉडेलची मूळ किंमत फ्लिपकार्टवर 30,298 रुपये आहे परंतु, आता तुम्ही हा फोन 15,498 रुपयांमध्ये घेऊ शकता. तुमच्या जुन्या स्मार्टफोनच्या एक्सचेंज ऑफरमध्ये तुम्हाला iPhone SE 2020 वर 14,800 रुपयांची सूट मिळू शकते. तुम्हाला तुमच्या फोनची संपूर्ण एक्सचेंज किंमत मिळाल्यास, iPhone SE 2020 ची किंमत 15,498 रुपये असेल. याशिवाय, Flipkart Axis Bank क्रेडिट कार्डद्वारे फोनवर 5% कॅशबॅक देखील उपलब्ध आहे. पेटीएम वॉलेटमधून पेमेंट केल्यावर फ्लॅट रु.50 कॅशबॅक देखील लागू आहे.

iPhone SE (2020) चे स्पेसिफिकेशन्स

iPhone SE (2020) मध्ये 4.7-इंचाचा रेटिना HD IPS LCD डिस्प्ले दिला आहे. डिस्प्लेचे रिझोल्यूशन 750x1,334 पिक्सेल आहे. यात 12-मेगापिक्सेलचा मागील कॅमेरा आहे ज्यामध्ये ऑप्टिकल इमेज स्टॅबिलायझेशन उपलब्ध आहे. तसेच ते 60fps वर 4K रेकॉर्डिंग करू शकता. फोनमध्ये Apple चा A13 बायोनिक चिपसेट देण्यात आला आहे. तसेच सेल्फीसाठी 7 मेगापिक्सेल फ्रंट कॅमेरा आहे. तसेच हा फोन IP67 डस्ट आणि वॉटर रेझिस्टन्स रेटिंगसह येते. फोनमध्ये फास्ट चार्जिंग सपोर्टही मिळतो. अॅपलचा हा परवडणारा फोन ब्लॅक, व्हाइट आणि प्रॉडक्ट रेड कलरमध्ये खरेदी करता येईल.

आधी सांगितल्याप्रमाणे, Apple आपल्या आगामी इव्हेंटमध्ये अनेक प्रॉडक्टसोबत iPhone SE 3 देखील लॉन्च करू शकते. हा एक व्हर्च्युअर कार्यक्रम असेल जो 8 मार्च रोजी नियोजित केला गेला आहे. 2022 साठी कंपनीचा हा पहिला सार्वजनिक इव्हेंट असेल.