Google ने आपले पहिले स्मार्टवॉच Pixel Watch आणि फ्लॅगशिप Pixel 7 सीरीज स्मार्टफोन काही दिवसांपूर्वीच लॉन्च केला आहे. या व्यतिरिक्त, कंपनीने या इव्हेंटमध्ये 2023 मध्ये येणारा Pixel टॅबलेट देखील सादर केला. काही पिक्सेल प्रेमींना आशा होती की Google कदाचित त्याच्या पहिल्या फोल्डेबल फोनबद्दल काहीतरी उघड करेल. पण दुर्दैवाने, कंपनीने त्यावर भाष्य केले नाही. पण आता डिस्प्ले सप्लाय चेन कन्सल्टंट्स (DSCC) चे विश्लेषक रॉस यंग यांनी पिक्सेल फोल्डेबल फोनची लॉन्च तारीख उघड केली आहे.

Pixel Foldable चे अधिकृत मार्केटींग नाव अद्याप समोर आलेले नाही. या वर्षाच्या सुरुवातीला समोर आलेल्या एका रीपोर्टनुसार याला Pixel Notepad म्हटले जाऊ शकते. तसेच गुगलचा पहिला फोल्डेबल फोन सॅमसंगच्या तुलनेत स्वस्त असेल असेही समोर आले आहे. तर, पिक्सेल नोटपॅड कधी रिलीज होईल? वास्तविक, यंग यांचा दावा आहे की पिक्सेल फोल्डेबल 2023 च्या पहिल्या तिमाहीत रिलीज होईल. मात्र, पिक्सेल टॅबलेटच्या फीचर्सबाबत त्यांनी कोणतेही नवीन अपडेट दिलेली नाही.

Google Pixel Notepad चे स्पेसिफिकेशन्स (संभाव्य)

Pixel Notepad (कोडनेम पिपिट) हे Oppo Find N फोल्डेबल फोन सारखेच असेल. यामध्ये 64MP प्रायमरी कॅमेरा (Sony IMX787), 12MP अल्ट्रा-वाइड लेन्स (Sony IMX386), आणि बाहेरील बाजूस 10.8MP टेलिफोटो लेन्स (सॅमसंग S5K3J1) असू शकतात. सेल्फीसाठी, यात 10.8MP (S5K3J1) कॅमेरा असू शकतो. त्याच्या आत 8MP (Sony IMX355) कॅमेरा असू शकतो. रिपोर्ट्सनुसार, पिक्सेल फोल्डेबल टेन्सर चिपसेटसह सुसज्ज असेल.मात्र, तो गेल्या वर्षीच्या Tensor चिपसह येईल की पिक्सेल 7 सीरीजमधील नवीन Tensor G2 वापरेल याबद्दल कोणतीही माहिती समोर आलेली नाही. तसेच असे म्हटले जात आहे की, टॅब्लेटमध्ये Android 13 असेल. असा अंदाज आहे की हा स्मार्टफोन 512 जीबी इंटरनल स्टोरेज आणि 12 जीबी रॅमसह येईल.