माउंटन व्ह्यू (अमेरिका) - मोबाईलमधील आपल्या खासगी फाइल ॲपमध्ये एका स्वतंत्र, पासवर्ड असलेल्या फोल्डरमध्ये ठेवता येणार आहेत. गुगल कंपनीने यासाठी ‘सेफ फोल्डर’ हे नवीन फिचर लाँच केले आहे. यामुळे युजरला कोणतेही डॉक्युमेंट, फाइल किंवा मीडिया फाइल ॲपमधील सुरक्षित ठिकाणी ठेवता येईल. हे ‘सेफ फोल्डर’ चार आकडी पिन क्रमांकाने सुरक्षित करण्यात आले आहे. हे फिचर सध्या ‘गुगल फाइल्स’साठी बिटा व्हर्जनमध्ये उपलब्ध असून लवकरच ते इतरांसाठीही उपलब्ध करून दिले जाणार आहे. 

गुगलने ब्लॉगद्वारे ‘सेफ फोल्डर’ या ॲपची घोषणा केली. आपला मोबाईल घरातील इतर व्यक्तीही आणि मित्र-मैत्रिणीही सहज हाताळत असतात. लहान मुलांकडेही मोबाईल जातो. ही बाब सर्वसाधारण असली तरी अत्यंत महत्त्वाची कागदपत्रे किंवा कामासंदर्भात काही गोपनीय छायाचित्रे, कागदपत्रे असल्यास त्या इतरांकडून चुकून डिलीट होण्याचा अथवा त्याचा गैरवापर होण्याचा संभव असतो. ‘गुगल फाइल्स’मधील ‘सेफ फोल्डर’ हे फिचर तुमची वैयक्तिक कागदपत्रे सुरक्षित ठेवते. 

​ताज्या बातम्यांसाठी डाऊनलोड करा ई-सकाळचे ऍप

अनधिकृत ॲक्सेस नाही 
‘सेफ फोल्डर’मध्ये तुमच्या इमेज, व्हिडिओ, ऑडिओ फाइल आणि इतर महत्त्वाची कागदपत्रे इतरांपासून सुरक्षित ठेवली जातात. तुम्ही ॲपमधून बाहेर पडताच ते आपोआप लॉक होते. चार आकडी पिन क्रमांकाशिवाय ते ओपन होत नाही. यामुळे तुमचा मोबाईल घेऊन कोणीही हे ॲप उघडू शकत नाही. 

राम मंदिराची वजनदार घंटा तयार करण्यासाठी लागणार चार महिने