Google Play Store Deleted Fake Loan Apps : लोन अ‍ॅप्सच्या माध्यमातून फसवणूक होण्याच्या घटनांचं प्रमाण वाढत चाललं आहे. अशातच गुगलने आपल्या प्ले स्टोअरवरील 17 फेक लोन अ‍ॅप्सना डिलीट केलं आहे. हे अ‍ॅप्स खऱ्या लोन अ‍ॅप्सच्या रुपात उपलब्ध होते. मात्र, डाऊनलोड केल्यानंतर ते यूजर्सचा डेटा चोरुन हॅकर्सना देत होते.

ESET रिसर्चर्सने केलेल्या एका सर्वेक्षणात हे 17 अ‍ॅप्स समोर आले होते. या वेबसाईटने दिलेल्या माहितीनुसार, गुगलने डिलीट करण्यापूर्वी सुमारे 12 मिलियन लोकांनी हे अ‍ॅप्स डाऊनलोड केले होते.

कोणते आहेत हे अ‍ॅप्स?

गुगलने या अ‍ॅप्सची यादी प्रसिद्ध केली आहे. ही अ‍ॅप्स तुमच्या स्मार्टफोनमधील असतील, तर त्वरीत अनइन्स्टॉल करण्याचं आवाहन कंपनीने केलं आहे.

• 4S Cash

• AA Kredit

• Amor Cash

• Cashwow

• CrediBus

• GuayabaCash

• EasyCredit

• FlashLoan

• Finupp Lending

• TrueNaira

• EasyCash

• PréstamosCrédito

• Préstamos De Crédito-YumiCash

• Go Crédito

• Instantáneo Préstamo

• Cartera grande

• Rápido Crédito

काय करायचे हे अ‍ॅप्स?

रिपोर्टमध्ये दिलेल्या माहितीनुसार, यातील बहुतांश लोन अ‍ॅप्स हे यूजर्सचा डेटा चोरत होते. काही अ‍ॅप्स यूजर्सना लोन दिल्यानंतर आवश्यकतेपेक्षा जास्त व्याज आकारत होते. पैसे परत करण्यासाठी 91 दिवसांऐवजी 5 दिवसांचा वेळ देणे, वर्षाला 160 ते 130 टक्के व्याज आकारणे असे प्रकार होत होते. तसंच वसूलीसाठी नागरिकांना ब्लॅकमेल करणे, धमकी देणे आणि त्रास देणे अशा गोष्टी या अ‍ॅप्सचे कर्मचारी करत होते. (Tech News)

ESET कंपनीतील रिसर्चर लुकास स्टेफान्को यांनी सांगितलं, की या अ‍ॅप्सच्या माध्यमातून कित्येक लोकांना जीवे मारण्याची धमकी देखील देण्यात आली आहे. मेक्सिको, इंडोनेशिया, पाकिस्तान, भारत, कोलंबिया, पेरु, फिलिपिन्स, इजिप्त, केनिया, नायजेरिया, सिंगापूर अशा देशांमध्ये हे अ‍ॅप्स कार्यरत होते असं त्यांनी सांगितलं आहे.