Google Year in Search India 2024 : दरवर्षीप्रमाणे यंदाही जगातील सर्वात मोठ्या सर्च इंजिन गुगलने 2024 मध्ये भारतात सर्वाधिक सर्च झालेल्या गोष्टींची यादी जाहीर केली आहे. या यादीत चित्रपट, क्रीडा स्पर्धा, प्रवास स्थळे, गाणी, आणि पाककृतींसह विविध श्रेणींतील लोकप्रिय गोष्टींचा समावेश आहे.
या वर्षी भारतात सर्वाधिक सर्च झालेल्या चित्रपटांमध्ये ‘स्त्री 2’ आणि ‘कल्की 2898 एडी’ आघाडीवर होते. राजकुमार राव आणि श्रद्धा कपूर यांच्या ‘स्त्री 2’ ने चाहत्यांची मने जिंकली, तर अमिताभ बच्चन, दीपिका पदुकोण, आणि प्रभास यांच्या ‘कल्की 2898 एडी’ ने चर्चेत स्थान मिळवले. या यादीत ‘रस्ता 2’, ‘12वी फेल’, ‘लापता लेडीज’, ‘हनु-मॅन’, ‘सालार’ आणि ‘महाराजा’ यांसारखे चित्रपट देखील प्रेक्षकांच्या पसंतीस उतरले आहेत.
वेब सीरिज आणि टीव्ही शोच्या लोकप्रियतेत ‘हिरामंडी’, ‘मिर्झापूर’, ‘द लास्ट ऑफ अस’, ‘पंचायत’, आणि ‘बिग बॉस 17’ आघाडीवर राहिले. OTT प्लॅटफॉर्मवरील कंटेंटने भारतीय प्रेक्षकांना खिळवून ठेवले.
मनोरंजनाबरोबरच भारतीयांनी क्रीडा क्षेत्रातही आपली आवड कायम ठेवली. इंडियन प्रीमियर लीग (IPL) आणि टी-20 वर्ल्ड कप याबद्दल सर्वाधिक सर्च करण्यात आले. क्रीडारसिकांनी आपल्या आवडत्या संघ आणि खेळाडूंवर गुगलवर मोठ्या प्रमाणात शोध घेतला.
गुगलवर सर्च केलेल्या प्रवास स्थळांमध्ये आंतरराष्ट्रीय स्थळे आणि देशांतर्गत पर्यटन स्थळांचा समावेश होता. अझरबैजान, बाली, कझाकिस्तान, जॉर्जिया यांसारख्या आंतरराष्ट्रीय स्थळांना पसंती मिळाली, तर मनाली, जयपूर, काश्मीर, आणि दक्षिण गोवा ही भारतीय ठिकाणे ट्रेंडमध्ये राहिली.
गुगलच्या ‘हम टू सर्च’ फीचरने लोकांना गाणी शोधण्याची सोय करून दिली. यावर्षी ‘नादानियां’, ‘हुसान’, ‘इलुमिनाटी’, ‘कच्ची सेरा’, आणि ‘ये तूने क्या किया’ ही गाणी सर्वाधिक सर्च केली गेली.
खाद्यप्रेमी भारतीयांनी गुगलवर आंब्याचे लोणचे, कांजी, चरणामृत, धनिया पंजिरी आणि शंकरपाळी यांसारख्या पारंपरिक पदार्थांच्या पाककृती शोधल्या. या पाककृतींच्या ट्रेंडने भारतीय स्वयंपाकातील विविधता आणि पारंपरिकतेचे महत्त्व अधोरेखित केले.
Gen-Z ने या वर्षी गुगलवर मीम्ससाठी सर्वाधिक सर्च केले. इंटरनेटवर व्हायरल होणाऱ्या ट्रेंड्स आणि मीम्सच्या शोधात भारतीयांनी स्वतःचा वेगळा ठसा उमटवला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.