PAN Card -Aadhaar Card Link : जुन्या पॅन कार्डचे नियम बदलून आता Pan 2.0 आपल्या भेटीला येत आहे. याच्यासोबतच आधार कार्ड आणि पॅन कार्ड लिंक करणे देखील सोपे झाले आहे. नवीन नियमानुसार पॅन कार्डसाठी अर्ज करताना आधार कार्ड जमा करणे बंधनकारक आहे. तुमच्याकडे इंटरनेट नसल्यास किंवा इंटरनेट वापरण्याची सोय नसल्यास आता तुम्ही तुमचे आधार आणि पॅन कार्ड SMS द्वारे सहजपणे लिंक करू शकता.
आधार आणि पॅन कार्ड लिंक करणे ही भारतातील प्रत्येक करदात्यासाठी एक आवश्यक प्रक्रिया बनली आहे. हे लिंक करण्यामागे अनेक कारणे आहेत.
आधार आणि पॅन लिंक करून सरकार कर चोरी रोखण्याचा प्रयत्न करते. एका व्यक्तीचे एकापेक्षा जास्त पॅन कार्ड असणे अशक्य होते.दोन्ही कार्ड लिंक करून कर प्रणाली अधिक पारदर्शक होते. यामुळे कर चुकवणे कठीण होते.
अनेक सरकारी योजनांचा लाभ घेण्यासाठी आधार आणि पॅन लिंक करणे आवश्यक असते.बँक खाते उघडणे, गुंतवणूक करणे इत्यादी वित्तीय व्यवहारांसाठी आधार आणि पॅन लिंक करणे आवश्यक आहे.एका व्यक्तीचे एकापेक्षा जास्त पॅन कार्ड असणे टाळण्यासाठी हे लिंक आवश्यक आहे.
तुमच्या मोबाईलवरून 567678 किंवा 56161 यापैकी एका नंबरवर SMS पाठवा.
SMS मध्ये खालीलप्रमाणे टाइप करा: UIDAI PAN < तुमचा 12-अंकी आधार क्रमांक > < तुमचा 10-अंकी पॅन क्रमांक > (उदाहरणार्थ: UIDAI PAN 987654321012 ABCDE1234)
शेवटी, पाठवा (Send) बटण दाबा.
आधारी कार्ड आणि पॅन कार्ड लिंक झालं आहे की नाही हे तपासण्यासाठी तुम्ही आयकर विभागाच्या ई-फायलिंग वेबसाइट www.incometaxindiaefiling.gov.in ला भेट देऊ शकता.
जर तुम्ही आधीच कर विवरणपत्र (Income Tax Return) दाखल करत असाल तर तुमचे आधार आणि पॅन कार्ड आधीच लिंक असण्याची शक्यता आहे. जर लिंक नसले तर आम्ही सांगितलेल्या वरील सोप्या पद्धतीने SMS द्वारे ते लिंक करू शकता.
आधार आणि पॅन लिंक करणे ही एक सोपी आणि आवश्यक प्रक्रिया आहे. यामुळे कर प्रणाली अधिक पारदर्शक होते आणि तुम्हाला सरकारी योजनांचा लाभ घेण्यास मदत होते. जर तुम्ही अजूनही तुमचे आधार आणि पॅन लिंक केले नसेल तर आजच करा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.