Hyundai Kona : दक्षिण कोरियाची वाहन निर्माता कंपनी Hyundai ने आपली SUV कार Kona चे अनावरण केले आहे. या वर्षाच्या अखेरीस ही कार पेट्रोल आणि इलेक्ट्रिक पॉवर ट्रेनसह सादर केली जाऊ शकते. आकर्षक डिझाईनसह, कार ADAS सारख्या सेफ्टी फिचरसह देखील फुलफील असू शकते. या SUV कारमध्ये काय खास पाहायला मिळणार आहे, पुढे आम्ही याबद्दल सविस्तर माहिती घेणार आहोत.

नवीन ह्युंदाई कोना डिझाइन

कारच्या लूकबद्दल बोलायचे झाल्यास, तिला एक लाँब बोनेट, पूर्ण-रुंदीचा 'सीमलेस होरायझन' एलईडी लाइट बार आहे ज्यामध्ये बंपरच्या बाजूने हेडलाइट्स आहेत. याच्या इलेक्ट्रिक मॉडेलबद्दल बोलल्यास समोर चार्जिंग पर्याय दिलेला आहे. याशिवाय रूफ रेल, ओआरव्हीएम, फ्लेर्ड व्हील आर्च, स्टायलिश सिल्व्हर व्हील्स देखील आहेत. मागील बाजूस शार्क-फिन अँटेना, मोठी विंडस्क्रीन आणि पूर्ण रुंदीचे टेललॅम्प आहेत.

पॉवरट्रेन कशी असेल?

ही Hyundai कार 2.0-L पेट्रोल आणि 1.6-L टर्बो-पेट्रोल इंजिन पर्याय आणि फ्रंट/ऑल-व्हील ड्राइव्ह सिस्टमसह सादर करण्यात आली आहे.

त्याचे इलेक्ट्रिक मॉडेल 48.4kWh किंवा 65.4kWh पॉवर पॅकसह फ्रंट-माउंट इलेक्ट्रिक मोटरसह ऑफर केले जाऊ शकते, जे अनुक्रमे 342 किमी आणि 490 किमी पर्यंत चालविण्यास सक्षम असेल.

Hyundai Kona फिचर्स

या SUV ला प्रीमियम सीटसह 5-सीटर केबिन मिळेल. ज्यामध्ये Apple CarPlay आणि Android Auto सपोर्टेड टचस्क्रीन इन्फोटेनमेंट सिस्टीम, डिजिटल इंस्ट्रुमेंटल कन्सोल, प्रवाशांच्या सुरक्षेसाठी मल्टिपल एअरबॅग्ज, पार्किंग कॅमेरा आणि सेन्सर्स याशिवाय व्हॉईस कमांड टेक्नॉलॉजी, एडीएएस फीचर्स आणि अॅम्बियंट लाइटिंग ही नवीन फिचर पाहू शकतात.

Hyundai Kona ची किंमत

या कारच्या किंमतीबाबत कंपनीकडून अद्याप कोणतीही माहिती देण्यात आलेली नाही. पण अंदाजानुसार या SUV ची किंमत जवळपास 20 लाख रुपये ठेवली जाऊ शकते. दुसरीकडे, जर आपण लेटेस्ट Hyundai Kona SUV सोबतच्या स्पर्धेबद्दल बोलायचं झाल्यास ती सध्याच्या CX-30 शी स्पर्धा करेल. ज्याची एक्स-शोरूम किंमत 15,98,000 रुपये आहे. (Automobile)