मुंबई : जॅग्‍वार लँड रोव्‍हर इंडियाने भारतामध्ये नवीन`एफ-पेस` नुकतीच दाखल केली आहे. या कारची भारतातील एक्स शोरुम किंमत ६९.९९ लाख इतकी ठेवण्यात आली आहे. एफ-पेस पहिल्‍यांदाच इंजेनियम २.० लिटर पेट्रोल व डिझेल पॉवरट्रेन्‍समधील आर-डायनॅमिक एस ट्रिममध्‍ये उपलब्ध आहे. या कारमध्ये २.० लिटर पेट्रोल इंजिन दिले असून, ते १८४ केडब्‍ल्‍यू पॉवर ती व ३६५ एनएम टॉर्क निर्माण करते. तर २.० लिटर डिझेल इंजिन १५० केडब्‍ल्‍यू पॉवर आणि ४३० एनएम टॉर्क निर्माण करते. (jaguar-f-pace-2021-india-launch-price-in-india)
नवीन जॅग्‍वार एफ-पेस आकर्षक व लक्‍झरी लुकमध्‍ये बेंचमार्क ठरणार आहे. या कारचे आकर्षक लुक्‍स ग्राहकांचे लक्ष वेधून घेईल, असा विश्‍वास जॅग्‍वार लँड रोव्‍हर इंडियाचे अध्‍यक्ष व व्‍यवस्‍थापकीय संचालक रोहित सुरी यांनी व्यक्त केला. नवीन एक्स्टि‍‍टीरिअर डिझाइन पुरस्‍कार-प्राप्‍त जॅग्‍वार एफ-पेसला अधिक आकर्षक लूक देण्यात आला आहे. या कारच्या बोनेटवर नवीन कोरीव काम केले असून, नवीन फ्रण्‍ट बंपरसह रिडिझाइन केलेले एअर इन्टेक्‍स व डार्क मेश नवीन एफ-पेसच्‍या आकर्षकतेमध्‍ये अधिक भर घालते. कारमध्ये नवीन सेंटर कन्‍सोल इन्‍स्‍ट्रूमेंट पॅनलपर्यंत वाढवण्‍यात आले आहे. मार्स रेड व सिएना टॅन या दोन रंगांमध्ये ही कार उपलब्ध असणार आहे.
कारची वैशिष्ट्ये -
- नवीन सुपर-स्लिम ऑल-एलईडी हेडलाइट्स, ग्रिल, रिअर लाईट्स आणि बंपर
- सेकंड रो २ सीटसह पॉवर रिक्‍लाइन, फोर झोन क्‍लायमेट कंट्रोल, इंटरअॅक्टिव्‍ह ड्रायव्‍हर डिस्‍प्‍ले आणि फिक्‍स्‍ड पॅनोरॅमिक रूफ
- ११.४ इंचीच्या एचडी टच स्क्रिनमध्‍ये आधुनिक पीव्ही प्रो-इन्‍फोटेन्‍मेंट तंत्रज्ञानाचा वापर
- केबिन एअर आयोनायझेशन तंत्रज्ञानामुळे आतील हवेचा दर्जा सुधारतो.
- थ्री-डी सराऊंड साऊंड, मेरिडियन ऑडिओ सिस्टिम, स्‍मार्टफोन पॅक आणि रिमोट
संपादन : शर्वरी जोशी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.