दोन दिवसांत म्हणजेच 26 मार्चपासून आयपीएल 2022 (IPL 2022) सुरू होत आहे. तुम्ही OTT प्लॅटफॉर्म Disney + Hotstar वर IPL सामने लाईव्ह पाहू शकणार आहात. पण जर तुमच्याकडे Disney + Hotstar चे मोफत सबस्क्रिप्शन नसेल, तर तुम्हाला काळजी करण्याची अजिबात गरज नाही. आज आपण Reliance Jio आणि Vodafone-Idea च्या काही बेस्ट प्लॅन्स बद्दल जाणून घेणार आहोत, ज्यामध्ये Disney + Hotstar च्या मोफत सब्सक्रिप्शनसह दररोज 3 GB पर्यंत डेटा उपलब्ध आहे.

Vodafone-Idea चे प्लॅन

कंपनी आपल्या 601 आणि 901 रुपयांच्या प्रीपेड प्लॅनमध्ये Disney + Hotstar चे मोफत सबस्क्रिप्शन ऑफर केले जाते आहे. कंपनीचा 601 रुपयांचा प्लॅन 28 दिवसांच्या वैधतेसह येतो. या प्लॅनमध्ये तुम्हाला इंटरनेट वापरण्यासाठी दररोज 3 GB डेटा आणि 100 मोफत एसएमएस मिळतात. प्लॅनमध्ये, कंपनी देशभरातील कोणत्याही नेटवर्कवर अमर्यादित कॉलिंग देखील देत आहे. प्लॅनची खास गोष्ट म्हणजे यामध्ये तुम्हाला 16 जीबी अतिरिक्त डेटा देखील मिळेल.

901 रुपयांच्या प्लॅनबद्दल बोलायचे झाले तर या प्लॅनमध्ये तुम्हाला दररोज 3 GB डेटा मिळेल. या प्लॅनमध्ये तुम्हाला 48 GB मोफत अतिरिक्त डेटाचाही लाभ मिळेल. या प्लॅनमध्ये, कंपनी दररोज 100 मोफत एसएमएससह देशभरातील कोणत्याही नेटवर्कवर अमर्यादित कॉलिंगची ऑफर देत आहे. या दोन्ही Vodafone-Idea प्लॅनमध्ये अनेक अतिरिक्त फायदे देखील दिले जात आहेत, ज्यात Binge All Night, Weekend Data Rollover आणि Data Delight यांचा समावेश आहे.

Jio चे प्लॅन

Jio आपल्या वापरकर्त्यांना Disney + Hotstar सह अनेक प्लॅन ऑफर करत आहे, परंतु आम्ही तुम्हाला यापैकी दोन सर्वोत्तम प्लॅनबद्दल सांगणार आहोत. जिओचा 499 रुपयांचा प्रीपेड प्लॅन तुम्हाला दररोज 2GB डेटा आणि देशभरातील सर्व नेटवर्कवर अमर्यादित कॉलिंग देतो. दररोज 100 मोफत एसएमएस देणाऱ्या या प्लॅनमध्ये तुम्हाला Jio अॅप्सचाही मोफत एक्सेस मिळेल. प्लॅनची ​​वैधता 28 दिवसांची आहे.

त्याचप्रमाणे, कंपनी आपल्या 601 रुपयांच्या प्लॅनमध्ये Disney + Hotstar चे मोफत सबस्क्रिप्शन देखील देत आहे. 28 दिवसांच्या वैधतेच्या या प्लॅनमध्ये तुम्हाला दररोज 3 GB डेटासह 6 GB अतिरिक्त डेटा मिळेल. प्लॅनमध्ये, कंपनी अमर्यादित कॉलिंग, दररोज विनामूल्य एसएमएस आणि Jio अॅप्सवर विनामूल्य एक्सेस देखील देत आहे.