सध्या सगळीकडे एआयचा बोलबाला सुरू आहे. चॅटजीपीटी नंतर कित्येक चॅटबॉट्स लोकांना विविध क्षेत्रांमध्ये मदत करत आहेत. यातच आता विद्यार्थ्यांच्या मदतीसाठी देखील आर्टिफिशिअल इंटेलिजन्सचा वापर होणार आहे.
कानपूर आयआयटी एक नवीन चॅटबॉट विकसित करत आहे, जो नववी ते बारावीच्या विद्यार्थ्यांना अभ्यासासाठी मदत करणार आहे. 'सारथी' पोर्टलवर हा चॅटबॉट उपलब्ध होईल. देशातील कोणत्याही राज्यात असलेल्या विद्यार्थ्यांना हे एआय टूल फायद्याचं ठरणार आहे.
या एआय चॅटबॉटमध्ये अभ्यासक्रमासंबंधित सर्व माहिती अपलोड करण्यात येईल. तसंच, याबाबत इतर माहिती आणि विद्यार्थ्यांनी विचारलेल्या प्रश्नातूनच हा चॅटबॉट स्वतःला विकसित करेल. यामध्ये एखादा प्रश्न विचारल्यानंतर विद्यार्थ्यांना त्याचं उत्तर मिळेल. ही उत्तरं प्री-रेकॉर्डेड नसतील, तर एआय स्वतःच्या बुद्धीने ही उत्तरं देईल.
ग्रामीण भागामध्ये या चॅटबॉटचा अधिक फायदा होणार आहे. तसंच, विद्यार्थ्यांना घरी अभ्यास करण्यासाठीही याचा उपयोग होईल. शिक्षक उपलब्ध नसताना विद्यार्थी या चॅटबॉटला आपले प्रश्न विचारू शकतील, अशी माहिती अधिकाऱ्यांनी दिली आहे.
येत्या तीन महिन्यांमध्ये मोदी सरकारच्या 'सारथी' पोर्टलवर हा चॅटबॉट उपलब्ध करून देण्याचं लक्ष्य आयआयटी कानपूरने ठेवलं आहे. यामुळे संपूर्ण देशातील विद्यार्थ्यांना मदतीसाठी एक मोठं टूल उपलब्ध होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.