Kia India 2 जून रोजी आपले नवीन इलेक्ट्रिक वाहन EV6 भारतीय बाजारपेठेत लॉन्च करणार आहे. कंपनी 26 मे रोजी या इलेक्ट्रिक क्रॉसओवरसाठी प्री-बुकिंग सुरू करेल, तर किमतीच्या घोषणेनंतर पुढील महिन्यात डिलीव्हरी सुरू होण्याची अपेक्षा आहे. Kia ने नुकतीच आपली चौथी कार देशात लॉन्च केली होती, त्यानंतर कंपनी आता या वर्षातील दुसरी मोठी कार लॉन्च करणार आहे.

Kia EV6 हे ग्लोबल ई-जीएमपी प्लॅटफॉर्मवर तयार केले आहे. Kia EV6 जागतिक स्तरावर 58kWh युनिट आणि 77.4kWh युनिट असलेल्या दोन बॅटरी पॅकसह सादर करण्यात आली आहे. त्याची बेस ट्रिम ही RWD व्हर्जन असेल जी 225bhp आणि 350Nm टॉर्क जनर्ट करेल. तर टॉप-एंड ट्रिम ही AWD व्हर्जन असेल जी 345bhp आणि 605Nm टॉर्क जनरेट करते. ही इलेक्ट्रिक कार पाच रंगांच्या पर्यायांसह सादर केली जाईल.

Kia EV6 मध्ये LED हेडलॅम्प, 19-इंच अलॉय व्हील, LED टेललाइट्स, मागील बंपर आणि शार्क-फिन अँटेना यांसारखी फीचर्स मिळण्याची अपेक्षा आहे. 2022 Kia EV6 ला 12.3-इंच स्क्रीन, इलेक्ट्रिक सनरूफ, हवेशीर फ्रंट सीट्स, ड्राइव्ह मोड्स, ड्युअल-झोन क्लायमेट कंट्रोल, यूव्ही-कट ग्लास आणि ऑटो-होल्ड फंक्शनसह इलेक्ट्रिक पार्किंग ब्रेक मिळण्याची अपेक्षा आहे.