महिंद्रा अँड महिंद्राची थार जीपची वर्षभरात ७५ हजार बुकिंग झाल्या आहेत. तरुणांमध्ये कंपनीच्या या एसयूव्हीला जास्त पसंती मिळत आहे. त्यामुळे सर्वाधिक बुकिंग तरुणाईने केले आहे. महिंद्रा थार एसयूव्हीला (Mahindra And Mahindra) अद्ययावत करुन गेल्या वर्षी २ ऑक्टोबरला लाँच करण्यात आले होते. तेव्हापासून आतापर्यंत कंपनीने त्याची ७५ हजार बुकिंग पूर्ण केले आहेत. यातून महिंद्रा थारची (Mahindra Thar SUV) लोकप्रियता तरुणाईत दिसत आहे. तिची क्रेझ निर्माण झाली आहे.

तरुण मंडळींनी केले सर्वाधिक बुकिंग

कंपनीनुसार महिंद्रा थार एसयुव्हीची एकूण बुकिंगमध्ये ४० टक्के तरुण मंडळींनी केली आहे. एकूण बुकिंगपैकी २५ टक्के वाहने पेट्रोल व्हर्जनची बुक करण्यात आली आहे. यातून दिसते की इंधन दरवाढीचा लोकांचे वाहन खरेदी परिणाम जास्त परिणाम झालेला नसल्याचे दिसते.

या व्हेरियंटची क्रेझ

कंपनीने दिलेल्या माहितीनुसार तिच्या एकूण बुकिंगपैकी ५० टक्के बुकिंग्स महिंद्रा थार एसयूव्हीच्या ऑटोमॅटिक ट्रान्समिशन व्हेरियंटची झाली आहे. याचा अर्थ असा की लोक आता वाहनांचे हायएण्ड व्हेरियंट आणि नवीन टेक्नोलाॅजीच्या वापराकडे जास्त वळले आहेत.

महिंद्रा थार एसयूव्हीची कामगिरी

महिंद्रा थार एसयूव्हीमध्ये २.० लिटरचे एमस्टॅललाईन पेट्रोल इंजिन आणि २.२ लिटरचे एमहाॅक डिझेल इंजिन पर्याय आहे. यात पेट्रोल इंजिन १५० बीएचपीची मॅक्झिमम पाॅवर आणि ३२० एनएमचे पिक टाॅर्क जेनरेट करते. दुसरीकडे डिझेल इंजिन १३० बीएचपीचे पाॅवर आणि ३२० एनएमचे टाॅर्क जेनरेट करते. ग्राहक ७ स्पीड मॅन्युअल आणि ऑटोमॅटिक ट्रान्समिशनमधून एकाची निवड करु शकता. तिची दिल्ली एक्स-शोरुमची किंमत १२.७८ लाख रुपयांपासून सुरु होते.