Shubhanshu Shukla Space Mission Launch: भारतासाठी आजचा दिवस ऐतिहासिक ठरणाला आहे, कारण भारतीय अंतराळवीर शुभांशू शुक्ला हे स्पेसएक्सच्या 'ड्रॅगन' यानातून आंतरराष्ट्रीय अंतराळ स्थानकाकडे (ISS) झेपावले आहेत.

अ‍ॅक्सिअम मिशन 4 (Ax-4) अंतर्गत होणाऱ्या या मोहिमेचा प्रक्षेपण आज (बुधवार) दुपारी 12.01 वाजता (भारतीय वेळेनुसार) नासाच्या केनेडी स्पेस सेंटरमधील लॉन्च पॅड 39A वरून करण्यात आहे. शुभांशू शुक्ला त्यांच्या तीन सहकाऱ्यांसह मिशनसाठी रवाना झालेत

या ऐतिहासिक उड्डाणावेळी शुभांशू यांच्या कुटुंबाचा ऊर भरून आला. उड्डाणापूर्वी त्यांच्या आई भावुक झाल्या होत्या, तसेच उड्डाणानंतर त्यांची पत्नी सासूच्या गळ्यात पडून रडल्या. त्यांच्या चेहऱ्यावर अभिमान होता. हा क्षण फक्त भारतासाठीच नाही तर जगासाठीही अभिमानाचा होता

या मिशननंतर भारताला गगनयान मिशनसाठीही फायदा होणार आहे. गगनयान मिशनसाठीही शुभांशू यांची निवड करण्यात आली आहे

राकेश शर्मा यांच्यानंतर अंतराळात जाणारे हे दुसरे भारतीय ठरले आहेत. शुभांशू हे भारतीय वायुदलाचे खूप चांगले ऑफिसर आहेत. त्यांनी सेनेच्या अनेक मिशनमध्ये सहभाग नोंदवला आहे. नासाच्या या मिशनमध्ये ते यानचे पायलट म्हणून भूमिका बजावणार आहेत. तसेच अवकाशात गेल्यानंतर ते विविध गोसहीनवर संशोधनही करणार आहेत. त्यांचे यान 26 जूनला दुपारी 4 वाजून 30 मिनिटांनी अंतराळात पोहोचणार आहेत. अवकाशात गेल्यानंतर त्यांनी देशवासीयांसाठी संदेश पाठवला आहे. त्यामध्ये त्यांनी शुभेच्छा देत जय हिंद, जय भारत असे म्हटले आहे