Online Shopping: गेल्याकाही वर्षात Online Shopping चे प्रमाण मोठ्या प्रमाणात वाढले आहे. मात्र, ऑनलाइन शॉपिंग करताना विशेष खबरदारी घेणे गरजेचे आहे. अनेकदा ग्राहकांना चुकीची वस्तू देखील डिलिव्हर होते. तर काहीवेळा वस्तू ऑर्डर केल्यानंतर देखील मिळत नाही. परंतु, आता ई-कॉमर्स कंपनी फ्लिपकार्टला असे करणे महागात पडले आहे.

बंगळुरू येथील महिलेने फ्लिपकार्टवरून १२,४९९ रुपये किंमतीचा मोबाइल ऑर्डर केला होता. परंतु, महिलेला फोन मिळाला नाही. या प्रकरणात आता फ्लिपकार्टला महिलेला भरपाई द्यावी लागणार आहे.

कस्टमर केअरकडून मिळाली नाही मदत

महिलेने ई-कॉमर्स साइट फ्लिपकार्टवरून फोन ऑर्डर केला होता. परंतु, महिलेला या फोनची डिलिव्हरी मिळाली नाही. महिलेने याबाबत फ्लिपकार्ट कस्टमर केअरशी संपर्क देखील साधला. मात्र, कंपनीकडून कोणताही प्रतिसाद मिळाला नाही. फोनची डिलिव्हरी न मिळाल्यामुळे अखेर महिलेने कंपनीविरोधात तक्रार दाखल केली.

याप्रकरणात आता ग्राहक न्यायालयाने महिलेचे बाजूने निकाल देत कंपनीला दंड ठोठावला आहे. कंपनी महिलेला मोबाइलची किंमत १२,४९९ रुपये परत करेल. तसेच, यावरील वार्षिक १२ टक्के व्याज देखील देण्यास सांगण्यात आले आहे. कंपनीने २० हजार रुपये दंड आणि १० हजार रुपये कायदेशीर खर्च महिलेला द्यावा, असे न्यायालयाने म्हटले आहे.

हेही वाचा: Flying Bike: आता हवेतही होणार धूम धूम, फ्लाइंग बाईकचे बुकिंग सुरू; किंमत तब्बल...

बंगळुरू येथील ग्राहक न्यायालयाने म्हटले की, फ्लिपकार्टने सर्व्हिसच्याबाबतीत निष्काळजीपणा दाखवला आहे. फोनची वेळेवर डिलिव्हरी न झाल्याने ग्राहकांचे आर्थिक नुकसान तर झालेच, सोबतच मानसिक त्रास देखील सहन करावा लागेल.

निकालात म्हटले आहे की, फोन मिळाला नसतानाही महिला इंस्टॉलमेंट देत होती. कस्टम केअरशी संपर्क साधल्यानंतर देखील कोणताही प्रतिसाद मिळाला नाही. अशाप्रकारची प्रकरणं याआधी देखील समोर आली आहेत. त्यामुळे ऑनलाइन शॉपिंग करताना खबरदारी घेणे गरजेचे आहे.

हेही वाचा: ..तर तुम्हालाही मिळू शकेल इन्कमटॅक्सचा जुना रिफंड