Poco C71 Launch Date Features Price esakal
विज्ञान-तंत्र

Poco C71 Launch : पोको लाँच करतोय 'हा' स्वस्तात मस्त 5G मोबाईल; लॅपटॉपपेक्षा जास्त रॅम अन् ब्रँड कॅमेरा, किंमत फक्त 7 हजार

Poco C71 Launch Date Features Price : पोको C71 स्मार्टफोन 4 एप्रिल रोजी भारतीय बाजारात लाँच होणार आहे. याची किंमत आणि फीचर्स जाणून घ्या सविस्तर..

Saisimran Ghashi

Poco C71 Mobile Launch : स्मार्टफोन मार्केटमध्ये सतत नवनवीन बदल होत असताना बजेट सेगमेंटमध्येही तगडी स्पर्धा पाहायला मिळते. या स्पर्धेत POCO ने आपला नवा स्मार्टफोन POCO C71 लाँच करण्याची घोषणा केली आहे. हा फोन 4 एप्रिल 2025 रोजी भारतीय बाजारात दाखल होणार आहे. विशेष म्हणजे हा फोन कमी किंमतीत असून यामध्ये 12GB RAM मिळणार आहे, जे अनेक लॅपटॉपपेक्षाही जास्त आहे. तसेच, दमदार बॅटरी, मोठा डिस्प्ले आणि उत्तम कॅमेरा यांसारखी फीचर्सही देण्यात आले आहेत.

POCO C71 फीचर्स आणि डिझाइन

POCO C71 स्मार्टफोन 6.88-इंचाच्या एचडी+ डिस्प्ले सह येतो. यामध्ये 120Hz रिफ्रेश रेट असल्याने स्क्रोलिंग आणि गेमिंगचा अनुभव जास्त स्मूथ मिळेल. TUV लो ब्लू लाइट, फ्लिकर फ्री आणि सर्केडियन सर्टिफिकेशन असल्यामुळे डोळ्यांवर कमी ताण येईल. विशेष म्हणजे हा डिस्प्ले वेट टच सपोर्ट करतो त्यामुळे ओल्या हातानेही फोन सहज वापरता येतो.

फोनच्या बॅक पॅनलवर स्प्लिट ग्रिड पॅटर्न डिझाइन आहे, जो आधुनिक आणि आकर्षक दिसतो. यासोबत फ्लॅशी कॅमेरा डेको दिला आहे जो याला प्रीमियम लुक देतो. फोन पावर ब्लॅक, कूल ब्लू आणि डेजर्ट गोल्ड अशा तीन आकर्षक रंगांमध्ये उपलब्ध असेल. तसेच याला IP52 रेटिंग मिळाल्याने हा फोन काही प्रमाणात धूळ आणि पाण्यापासून सुरक्षित राहील.

दमदार परफॉर्मन्ससाठी तगडे हार्डवेअर

POCO C71 मध्ये ऑक्टा-कोर प्रोसेसर दिला असून तो उत्तम वेग आणि मल्टीटास्किंगसाठी बेस्ट आहे. यामध्ये 6GB फिजिकल RAM आणि 6GB व्हर्च्युअल RAM मिळेल म्हणजे एकूण 12GB RAM चा अनुभव मिळेल. स्टोरेजबाबत बोलायचे झाल्यास फोनमध्ये 2TB पर्यंत स्टोरेज वाढवता येण्याची सुविधा आहे. हा फोन Android 15 ऑपरेटिंग सिस्टम वर चालेल आणि कंपनीने 2 वर्ष OS अपडेट आणि 4 वर्ष सिक्योरिटी अपडेट्स देण्याचे आश्वासन दिले आहे.

कॅमेरा आणि बॅटरी पॉवर

POCO C71 मध्ये 32MP चा प्रायमरी कॅमेरा असून यासोबत एक सेकंडरी कॅमेरा दिला जाईल. फ्रंटला 8MP सेल्फी कॅमेरा असेल. हा फोन उत्तम फोटोग्राफी अनुभव देणार आहे.

फोनमध्ये 5200mAh ची मोठी बॅटरी देण्यात आली आहे, जी 3 वर्षांनंतरही 80% पर्यंत चांगली राहू शकते, असा कंपनीचा दावा आहे. तसेच हा फोन 15W फास्ट चार्जिंग सपोर्ट करतो, त्यामुळे कमी वेळात फोन चार्ज होईल.

इतर फीचर्स आणि संभाव्य किंमत

  • साइड-माउंटेड फिंगरप्रिंट स्कॅनर

  • 3.5mm ऑडिओ जॅक

  • ड्युअल-बँड Wi-Fi सपोर्ट

POCO C71 हा Flipkart वर विक्रीसाठी उपलब्ध होईल. अद्याप अधिकृत किंमत जाहीर करण्यात आलेली नाही. मात्र हा फोन 7 हजार रुपयांच्या बजेटमध्ये येण्याची शक्यता आहे.

POCO C71 हा कमी बजेटमध्ये दमदार फीचर्ससह एक उत्कृष्ट पर्याय ठरणार आहे. मोठी रॅम, उत्तम बॅटरी आणि शानदार डिस्प्लेसह येणारा हा फोन, बजेट स्मार्टफोन खरेदी करणाऱ्या ग्राहकांसाठी नक्कीच फायदेशीर ठरेल.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Dombivli west Building incident : मोठी बातमी! डोंबिवली पश्चिमेतील 25 कुटुंब राहत असलेली चार मजली इमारत खचली!

Rahul Gandhi and Mallikarjun Kharge: ...म्हणून यंदा राहुल गांधी अन् खर्गे लाल किल्ल्यावर स्वातंत्र्यदिनाच्या सोहळ्याला गेले नाहीत!

Lionel Messi चा तीन दिवसीय भारत दौरा, मुंबईत वानखेडेसह ब्रेबॉनवरही खेळणार, कधी आणि केव्हा? वाचा संपूर्ण वेळापत्रक

Love Jihad : हैदाराबादेत 'लव्ह जिहाद'चं प्रकरण उघडकीस; मूळचा पाकिस्तानी असणाऱ्या भामट्याने हिंदू मुलीला फसवलं अन्...

Maharashtra Rain Alert: पुढील दिवस महत्त्वाचे! मुंबईला मुसळधारेचा इशारा, महाराष्ट्रात कसे असेल हवामान?

SCROLL FOR NEXT