Jio True 5G Network: देशातील सर्वात मोठी टेलिकॉम कंपनी असलेल्या Reliance Jio ने काही दिवसांपूर्वीच ५जी सेवा लाँच केली आहे. कंपनी हळूहळू देशातील इतर शहरांमध्ये सेवा सुरू करत आहे. आता कंपनीने सर्वात मोठे ५जी रोलआउट केले आहे. जिओने एकाचवेळी ११ शहरांमध्ये ५जी सेवा लाँच करत यूजर्सला नववर्षाचे गिफ्ट दिले आहे. ११ शहरांमधील यूजर्स Jio Welcome offer चा फायदा घेऊ शकतात. या ऑफर अंतर्गत जिओ यूजर्सला मोफत १ जीबीपीएस स्पीडने अनलिमिटेड डेटा आणि कॉलिंगचा फायदा मिळेल.

या ११ शहरांमध्ये सुरू झाली जिओची ५जी सेवा

जिओने महाराष्ट्रातील नाशिक, औरंगाबादसह लखनौ, तिरुवंतपुरम, म्हैसुर, चंदीगड, मोहाली, पंचकुला आणि जीरकपुर या शहरांमध्ये ५जी सेवा रोलआउट केली आहे.

जिओ या शहरांमध्ये ५जी सेवा सुरू करणारी पहिली आणि एकमेव कंपनी आहे. या शहरातील जिओ यूजर्स Jio Welcome offer चा फायदा घेऊ शकतात.

५जी सेवा वापरण्यासाठी तुमच्याकडे ५जी फोन असणे गरजेचे आहे. तुम्हाला यासाठी नवीन सिम कार्ड घेण्याची गरज नाही. केवळ तुमच्या भागामध्ये ५जी सेवा उपलब्ध असणे गरजेचे आहे. Jio 5G Welcome Offer अंतर्गत तुम्हाला अनलिमिटेड ५जी डेटाचा फायदा मिळेल. तुम्हाला १ जीबीपीएस इंटरनेट स्पीड मिळेल. याद्वारे तुम्ही अवघ्या २ ते ४ सेकंदात २ जीबीचा चित्रपट डाउनलोड करू शकता.

Jio 5G Welcome Offer चा घ्या फायदा

Jio वेलकम ऑफर कंपनीच्या MyJio App या अ‍ॅपवर उपलब्ध आहे. कंपनीने ५जी नेटवर्क उपलब्ध असलेल्या शहरातील यूजर्सला या ऑफरचा फायदा घेण्यासाठी इनव्हाइट केले आहे.

हेही वाचा: Maharashtra Karnataka Border : या पहिलवानाने स्वीकारलेलं बेळगावसह संयुक्त महाराष्ट्रासाठी पहिलं हौताम्य