RO Technology : बऱ्याच घरात पाणी स्वच्छ करण्यासाठी RO चा वापर केला जातो. अनेक घरात खारे पाणी पिण्यायोग्य बनवण्यासाठी RO चा वापर केला जातो. मात्र RO मध्ये कशा प्रकारे पाणी पिण्यायोग्य स्वच्छ बनवल्या जाते माहितीये? आज आपण याबाबत सविस्तर जाणून घेऊया.

RO मधील पाणी स्वच्छ करण्यासाठी अनेक फिल्टर, मेम्ब्रेन आणि यूव्ही लाइटचा वापर केला जातो. या तिघांमधून गेल्यावर पाणी स्वच्छ होते. या तिन्ही ठिकाणी पाणी स्वच्छ करण्यासाठी पाण्याला कोणत्या प्रक्रियेतून जावे लागते जाणून घ्या.

RO मध्ये फिल्टरचा वापर

RO मध्ये सहसा तीन फिल्टर दिले जातात. या फिल्टरच्या मदतीने धूळ पाण्यापासून वेगळी केली जाते. तुम्ही अनेकदा आरओच्या बाहेर पाहिले असेल जिथे पाण्याचे कनेक्शन आहे तिथे सिलेंडरसारखा भाग असतो. त्याच्या आत पहिला फिल्टर आहे, जो तीन महिन्यांनंतर बदलला पाहिजे. यानंतर पाणी शुद्ध करण्यासाठी आणखी दोन फिल्टर दिले जातात.

मेम्ब्रेनचा वापर

RO मध्ये सामान्य फिल्टर व्यतिरिक्त, एक मेम्ब्रेनसुद्धा असते. त्यात अतिशय बारीक फिल्टर्स असतात, जे खाऱ्या पाण्यापासून मीठ वेगळे करतात आणि पाणी गोड करतात. RO मध्ये मेम्ब्रेनचा वापर सुमारे एक वर्ष करता येतो. RO ची मेम्ब्रेन खराब झाल्यास पाण्याची चव बदलू लागते.

यूव्ही लाइट टेक्नीकचा वापर

आपण ज्या तंत्रज्ञानाबद्दल बोलत आहोत त्याला यूव्ही लाईट टेक्नॉलॉजी म्हणतात किंवा आपण त्याला अल्ट्राव्हायोलेट तंत्रज्ञान देखील म्हणू शकता. ही प्रक्रिया वॉटर प्युरिफायरच्या शेवटच्या टप्प्यात होते, ज्यामध्ये पाण्यात असलेले जंतू नष्ट होतात आणि तुमचे पाणी पिण्यायोग्य स्वच्छ होते. आणि त्याचा तुमच्या शरीरावर कोणताही वाईट परिणाम होत नाही.

या तंत्राचा वापर करण्यासाठी, एक विशेष चेंबर बनविला जातो ज्यामध्ये अल्ट्राव्हायोलेट लाइटिंग असते. तुम्ही ऐकलेच असेल की अल्ट्राव्हायोलेट किरण तुमच्या शरीरासाठी धोकादायक ठरू शकतो आणि त्याचा त्वचेवरही खूप वाईट परिणाम होतो, त्याचप्रमाणे हा प्रकाश पाण्यातील बॅक्टेरिया देखील नष्ट करतो आणि हा प्रकाश चालू होताच जीवाणू पूर्णपणे नष्ट होतात.