Samsung F सीरीजमधील पहिला 5G स्मार्टफोन Galaxy F42 5G लाँचची घोषणा करण्यात आली आहे. कंपनीने या स्मार्टफोनच्या लॉंचची तारीख कन्फर्म करताना या फोनची काही फीचर्सबद्दल देखील माहिती दिली आहे. फोनची विक्री सुरू होण्यासाठी मात्र ग्राहकांना ऑक्टोबरपर्यंत वाट पाहावी लागणार आहे. कपनीने दावा केला आहे की, गॅलेक्सी F42 5G हा स्मार्टफोन 12 5G बँडला सपोर्ट करणारा Galaxy F सीरिजमधील पहिला स्मार्टफोन असेल. चला तर मग याबद्दल जाणून घेऊयात.

सॅमसंग गॅलेक्सी F42 5G चे फीचर्स

हा स्मार्टफोन लाँच करण्यापूर्वी सॅमसंगने Galaxy F42 5G स्मार्टफोनची मायक्रो वेबसाइट लाईव्ह केली आहे. त्यानुसा सॅमसंग गॅलेक्सी F42 5G स्मार्टफोनमध्ये MediaTek Dimensity 700 प्रोसेसर देण्यात आला आहे. या स्मार्टफोनमध्ये बॅकला ट्रिपल रिअर कॅमेरा सेटअप देण्यात आला असून त्याचा मुख्य कॅमेरा 64MP चा असेल. हा फोन सुपर नाईट मोडसह येईल. तसेच Galaxy F42 5G स्मार्टफोनमध्ये स्क्रीन 90Hz रिफ्रेश रेट सपोर्टसह येईल. तसेच हा फोन FHD + डिस्प्लेने सुसज्ज असेल. पॉवर बॅकअपसाठी सॅमसंग ग्लॅक्सी F42 5G स्मार्टफोनमध्ये 5000mAh ची बॅटरी फास्ट चार्जिंग सपोर्टसह देण्यात येईल.

Samsung Galaxy F42 5G स्मार्टफोन 29 सप्टेंबर रोजी दुपारी 12 वाजता भारतात लॉन्च होणार आहे. हा फोन Samsung.com आणि ई-कॉमर्स प्लॅटफॉर्म फ्लिपकार्ट व्यतिरिक्त रिटेल आउटलेट स्टोअरवर देखील विक्रीसाठी उपलब्ध असणार आहे.

किंमत काय असेल?

सॅमसंग गॅलेक्सी F42 5G स्मार्टफोन 20,000 रुपयांच्या किंमतीत लॉन्च केला जाऊ शकतो. मात्र, अद्याप कंपनीकडून फोनची अधिकृत किंमत जाहीर करण्यात आलेली नाही.