Samsung Galaxy F04 Features Leaked: सॅमसंग लवकरच कमी बजेटमध्ये येणारा स्मार्टफोन लाँच करणार आहे. कंपनी Samsung Galaxy F04 या नावाने फोनला सादर करणार असून, लाँचनंतर हा फोन ई-कॉमर्स साइट फ्लिपकार्टवर उपलब्ध होईल. एफ-सीरिजमधील या एंट्री लेव्हल स्मार्टफोनला कंपनी जानेवारी महिन्यात लाँच करणार आहे.

सॅमसंगने फोनच्या टीझरला जारी करण्यास सुरुवात केली आहे. लाँचआधीच या हँडसेटची किंमत आणि स्पेसिफिकेशन्स समोर आले आहे. फोनमध्ये ड्यूल रियर कॅमेरा सेटअप आणि ८ जीबी रॅम मिळेल. Samsung Galaxy F04 च्या लीक फीचर्सविषयी जाणून घेऊया.

Samsung Galaxy F04 ची किंमत

Samsung Galaxy F04 ला कंपनी फक्त ७,४९९ रुपये किंमतीत लाँच करण्याची शक्यता आहे. हा एंट्री लेव्हल फोन पर्पल आणि ग्रीन अशा दोन रंगात येईल. यामध्ये ८ जीबीपर्यंत रॅम मिळेल. कंपनीने फोनच्या लाँच तारखेबाबत अधिकृत घोषणा केली नसली तरी जानेवारी २०२३ मध्ये फ्लिपकार्टवर उपलब्ध होईल.

हेही वाचा: क्रेडिट कार्ड वापरताय...मग या गोष्टी माहिती हव्याच....

Samsung Galaxy F04 चे स्पेसिफिकेशन्स

Samsung Galaxy F04 मध्ये फोटोग्राफीसाठी ड्यूल रियर कॅमेरा सेटअप दिला जाईल. यात ६.५ इंच एचडी+ डिस्प्ले देण्यात आला असून, जो वॉटर ड्रॉप स्टाइल नॉचसह येईल. रियर साइडला एलईडी फ्लॅश देखील मिळेल. फोनचे डिझाइन काही प्रमाणात सॅमसंग एम१३ ५जी सारखे असेल. तसेच, ८ जीबीपर्यंत रॅम दिली जाईल.

सॅमसंगचा हा फोन काही दिवसांपूर्वीच लाँच झालेल्या Samsung Galaxy A04e चे रिब्रँडेड व्हर्जन असू शकता. या फोनमध्ये कंपनीने ६.५ इंच डिस्प्ले, ५००० एमएएचची दमदार बॅटरी, फोटोग्राफीसाठी १३ मेगापिक्सल + २ मेगापिक्सल रियर कॅमेरा दिला आहे. तर सेल्फीसाठी ५ मेगापिक्सलचा फ्रंट कॅमेरा मिळतो. फोन अँड्राइड १२ आधारित One UI वर काम करतो. यात मीडियाटेक हीलियो पी३५ प्रोसेसर दिला आहे.

हेही वाचा: Recharge Plans: दररोज २.५ जीबी डेटासह येणारे सर्वात स्वस्त प्लॅन्स, डिज्नी+ हॉटस्टारचे सबस्क्रिप्शन फ्री