नवी दिल्ली - सॅमसंगने त्यांच्या काही उत्पादनांवर अनेक ऑफर दिल्या आहेत. कंपनीने नुकतीच 2020 QLED 8K TV सिरीज लाँच केल्याची घोषणा केली होती. जगातील पहिली अशी टीव्ही सिरीज आहे ज्यामध्ये अल्ट्रा थिन फॉर्म फॅक्टर, 8k पिक्चर क्वालिटी आणि सराउंडिंग साउंड ऑडिओचे कॉम्बिनेशन आहे. 65 इंच आणि 85 इंच आकारात ही टीव्ही बाजारात उपलब्ध आहे. सॅमसंगच्या या टीव्ही सिरीजमध्ये युजर्सना चांगला अनुभव मिळेल असा दावा करण्यात आला आहे. या अल्ट्रा प्रिमियम टीव्ही खरेदीवर कंपनीकडून कॅशबॅकसह अनेक ऑफर देण्यात आल्या आहेत.
सॅमसंग कंपनीने त्यांच्या स्मार्ट टीव्हीच्या रेंजवर धमाकेदार ऑफर देत आहे. QLED 8K टीव्ही खरेदी केल्यास ग्राहकांना सॅमसंग गॅलेक्सी S20+ चे दोन मोबाइल फ्री देण्यात येतील. एवढंच नाही तर ग्राहकांना 15 हजार रुपयांचे कॅशबॅकही कंपनीकडून देण्यात येणार आहे.
कंपनीने त्यांच्या अधिकृत ट्विटर हँडलवरून याची माहिती दिली आहे. सॅमसंगच्या गॅलेक्सी s20+ च्या एका मोबाइलची किंमत 78 हजार रुपये इतकी आहे. म्हणजेच दोन्ही मोबाईलची किंमत दीड लाखांहून अधिक होईल.
अल्ट्रा प्रिमियम टीव्ही रेंजमध्ये 99 टक्क्यांपर्यंत स्क्रीन टु बॉडी रेशो ऑफर केला जात आहे. ज्यामुळे युजर्सना टीव्ही पाहताना जबरदस्त अनुभव मिळेल. हे सर्व टीव्ही इन्फिनिटी स्क्रीनसह मिळतात. उत्कृष्ट साउंड आऊटपुटसाठी टीव्हीमध्ये ऑब्जेक्ट ट्रँकिंग साउंड आणि अॅक्टिव्ह व्हॉइस अॅम्प्लिफायरचा वापर करण्यात आला आहे. स्मार्ट टीव्हीच्या 65 इंची सेटची किंमत 4.99 लाख रुपये तर 85 इंच टीव्हीची किंमत 15 लाख रुपये इतकी आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.